فيديو: أنماط العدد حتى ٩٩

أكمل النمط: ٢٩، ٣١، _، _، ٣٧.

٠١:٣٢

‏نسخة الفيديو النصية

أكمل النمط: العدد تسعة وعشرين، وبعده واحد وتلاتين، وبعديه فراغين، وبعدهم العدد سبعة وتلاتين.

مجموعة الأعداد اللي عندنا دي مترتبة ترتيب معيّن؛ علشان كده اسمها نمط. ودلوقتي علشان نعرف نكمِّل الفراغات الموجودة في النمط ده، هنحدد العلاقة بين كل عددين متتاليين.

العدد تسعة وعشرين والعدد واحد وتلاتين، همّ بالفعل عددين متتاليين. ودلوقتي هنسأل نفسنا إيه العملية الحسابية اللي حصلت على تسعة وعشرين، علشان يكون العدد اللي بعده هو واحد وتلاتين؟

هنلاقي إن العملية الحسابية دي هي إضافة العدد اتنين. فلمّا ضِفنا اتنين على تسعة وعشرين، كانت بتساوي واحد وتلاتين. هنبدأ دلوقتي ننفِّذ العملية الحسابية دي على كل عدد؛ علشان نعرف العدد اللي بعده. واحد وتلاتين هنضيف عليها اتنين، فهتساوي العدد تلاتة وتلاتين، وهو ده العدد اللي هنكتبه في الفراغ الأول. وعلشان نعرف العدد اللي هنكتبه في الفراغ التاني، هنضيف اتنين للعدد تلاتة وتلاتين، واللي بيساوي خمسة وتلاتين. وكمان العدد خمسة وتلاتين لو ضِفنا له اتنين هيساوي سبعة وتلاتين، وهو ده بالفعل العدد المكتوب في النمط.

وبالتالي هتكون الإجابة هي الأعداد تلاتة وتلاتين وخمسة وتلاتين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.