تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: حل المسائل الكلامية التي تتضمن التغير الطردي لكمية مع كميتين أخريين

أحمد لطفي

طاقة الحركة ﻃ لجسم مُتحرِّك تتغيَّر بتغيُّر كتلته ﻙ ومربع سرعته ﻉ. إذا كان وزن جسم ٤٠ كيلوجرام وسرعته ١٥ متر لكل ثانية وطاقة حركته ١٠٠٠ جول، فأوجد طاقة الحركة إذا زادت السرعة إلى ٢٠ متر لكل ثانية.

٠١:٣١

‏نسخة الفيديو النصية

طاقة الحركة ط لجسم متحرك تتغير بتغير كتلته ك ومربع سرعته ع. إذا كان وزن جسم أربعين كيلوجرام وسرعته خمستاشر متر لكل ثانية وطاقة حركته ألف جول؛ فاوجد طاقة الحركة إذا زادت السرعة إلى عشرين متر لكل ثانية.

مُعطى إن وزن الجسم أربعين كيلوجرام وسرعته خمستاشر متر لكل ثانية، وطاقة حركته ألف جول، ومطلوب نوجد إذا زادت السرعة إلى عشرين متر لكل ثانية، محتاجين نوجد طاقة الحركة، فهنقول إن طاقة الحركة الأولانية اللي هي ط واحد، على مربع السرعة الأولانية اللي هي ع واحد تربيع، بتساوي طاقة الحركة التانية اللي هي ط اتنين، على مربع السرعة التانية اللي هي ع اتنين تربيع؛ وبالتالي بالتعويض هنعوّض عن ط واحد بألف، على، هنعوّض عن ع واحد بخمستاشر تربيع، هتساوي، ط اتنين هنرمز لها بالرمز س مقسومة على السرعة تربيع اللي هي عشرين تربيع؛ وبالتالي لو عايزين نوجد قيمة س فقيمة س هتساوي عشرين تربيع في ألف على خمستاشر تربيع؛ يعني س تقريبًا هتساوي ألف سبعمية سبعة وسبعين وتمنية وسبعين من مية جول، ويبقى كده قدرنا نوجد طاقة الحركة بتاعت الجسم إذا زادت سرعته إلى عشرين متر لكل ثانية، وكانت بتساوي ألف سبعمية سبعة وسبعين وتمنية وسبعين من مية جول.