فيديو: إيجاد قياس زاوية بمعلومية قياس الزاوية المكملة لها

إذا كانت الزاويتان متكاملتين، فأوجد قيمة ﺱ.

٠١:٠٦

‏نسخة الفيديو النصية

إذا كانت الزاويتان متكاملتين، فأوجد قيمة س. ومُعطى عندنا الشكل اللي قدامنا، وعندنا الزاوية دي قياسها تسعة وتمانين درجة، والزاوية دي قياسها س اللي إحنا عايزين نوجد قيمتها، ومُعطى عندنا في السؤال إن الزاويتين اللي عندنا زاويتين متكاملتين.

وخلينا في الأول نفتكر إن الزاويتين المتكاملتين هما الزاويتين اللي مجموع قياسهم مية وتمانين درجة؛ فبالتالي بما إن الزاويتين اللي عندنا في الشكل متكاملتين، فبالتالي هيبقى مجموع قياسهم مية وتمانين درجة، يعني هيبقى عندنا … فبالتالي هيبقى تسعة وتمانين درجة زائد س يساوي مية وتمانين درجة. فعشان نوجد قيمة س يبقى هنطرح تسعة وتمانين درجة من طرفَي المعادلة.

فلمّا نطرح تسعة وتمانين درجة من الطرف الأيمن للمعادلة، فيبقى الطرف الأيمن هو س؛ وأمّا في الطرف الأيسر للمعادلة، فهنحسب مية وتمانين درجة ناقص تسعة وتمانين درجة، واللي هتساوي واحد وتسعين؛ وبالتالي هتبقى قيمة س هي واحد وتسعين. وبما إن س بترمز لقياس زاوية، فهيبقى بيساوي واحد وتسعين درجة، وهو ده المطلوب في السؤال.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.