فيديو: استخدام خواص المستطيلات لحل المسائل

لنفكر في المستطيلات! هذا الشكل له ٥ أضلاع. هل هو مستطيل؟ هذا الشكل له ٤ أضلاع. هل هو مستطيل؟ هذا الشكل له ٤ أضلاع، أحدها منحنًى. هل هو مستطيل؟ هذا الشكل له ٤ أضلاع. أركانه ليست متساوية. هل هو مستطيل؟ هذا الشكل مربع. هل هو مستطيل أيضًا؟

٠٢:٣٦

‏نسخة الفيديو النصية

لنفكر في المستطيلات! هذا الشكل له خمس أضلاع، هل هو مستطيل؟

السؤال بيقول لنا إن الشكل اللي عندنا ده له واحد، اتنين، تلاتة، أربعة، خمسة أضلاع. هل هو مستطيل؟ نقوله لا. طيب ليه قولنا له لا؟ لأن المستطيل له أربع أضلاع مش خمسة. فتبقى إجابة أول جزء من السؤال هي لا.

نيجي للجزء اللي بعده: هذا الشكل له أربع أضلاع، هل هو مستطيل؟

الشكل اللي قدامنا ده له أربع أضلاع. يبقى فعلًا الشكل ده مستطيل. وتبقى إجابة السؤال: نعم.

الجزء التالت من السؤال: هذا الشكل له أربع أضلاع، أحدها منحنى، هل هو مستطيل؟

الشكل اللي قدامنا ده برضو له أربع أضلاع، بس واحد فيهم ضلع منحني مش ضلع مستقيم؛ فده معناه إن الشكل ده مش مستطيل. فتبقى الإجابة هي لا. طيب ليه قلنا لا؟ علشان المستطيل لازم يكون له أربع أضلاع مستقيمة مش منحنية.

الجزء الرابع من السؤال: هذا الشكل له أربع أضلاع، أركانه ليست متساوية، هل هو مستطيل؟

يعني بيقول لنا الشكل اللي قدامنا ده له أربع أضلاع. والأربعة مستقيمة أهو. بس أركانه … الأركان دي كلها مش بتساوي بعض؛ فده معناه إن هو مستطيل؟ نقول له: لا الشكل ده مش مستطيل؛ لأن لازم أركانه تبقى كلها قد إيه؟ بعض.

نيجي لآخر جزء في السؤال: هذا الشكل المربع. هل هو مستطيل أيضًا؟

الشكل اللي قدامنا ده مربع. عاوزين نعرف هو كمان ينفع نقول عليه مستطيل ولّا لأة؟ طيب إحنا لسه قايلين إن المستطيل له أربع أضلاع مستقيمة، والمربع برضو له أربع أضلاع مستقيمة. والمستطيل أركانه متساوية، والمربع هنا أركانه كلها متساوية. يبقى إحنا نعتبر إن الشكل اللي قدامنا ده برضو مستطيل. فالإجابة هتكون نعم.

وبكده نكون جاوبنا على كل أجزاء السؤال. أول جزء اللي هي إجابته: لا. وتاني جزء: نعم. وتالت جزء: لا. ورابع جزء: لا. وخامس جزء: نعم.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.