تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: ضرب الأعداد العشرية

نهال عصمت

يوضِّح الفيديو بالأمثلة طريقة ضرب عدد عشري في عدد عشري آخر.

٠٧:٢٣

‏نسخة الفيديو النصية

ضرب الأعداد العشرية.

هنتكلّم عن ضرب الأعداد العشرية، وإزّاي نضرب عدد عشري في عدد عشري آخر. هنبدأ نشوف على مثال. لو عايزين مثلًا نضرب تلاتة وخمسة وسبعين من مية في أربعة واتنين من عشرة، حاصل الضرب هيساوي كام؟

طول ما العلامة العشرية موجودة، مش هنعرف نضرب بسهولة. طب هنعمل إيه؟ هنعيد كتابة الأعداد. بمعنى، عندنا تلاتة وخمسة وسبعين من مية، هي عبارة عن تلتمية خمسة وسبعين على مية. علامة الضرب هننزّلها زيّ ما هي. وعندنا أربعة واتنين من عشرة، هي عبارة عن اتنين وأربعين على عشرة. وبالتالي دلوقتي عندنا حاصل ضرب كسر في كسر آخر. بنعمل إيه؟ بنضرب البسط في البسط، ونكتبه في البسط. ونضرب المقام في المقام، ونكتبه في المقام. هيبقى عندنا في البسط تلتمية خمسة وسبعين في اتنين وأربعين. وهيبقى عندنا في المقام مية في عشرة.

دلوقتي عايزين نوجد حاصل ضرب تلتمية خمسة وسبعين في اتنين وأربعين. هنبدأ نكتب الأعداد تحت بعضها. هنكتب فوق تلتمية خمسة وسبعين. وهنكتب تحتيها اتنين وأربعين. وهنحطّ بينهم علامة ضرب، وتحتيهم علامة يساوي. أول حاجة، هناخد الاتنين نضربها في الخمسة. بعد كده في السبعة. بعد كده في التلاتة. اتنين في خمسة بعشرة. صفر، ومعانا الواحد. اتنين في أربعة، عفوًا اتنين في سبعة بأربعتاشر. زائد واحد، خمستاشر. خمسة، ومعانا الواحد. اتنين في تلاتة بستة. زائد واحد، سبعة. يبقى هنكتب: سبعة.

بعد كده عايزين نضرب الأربعة اللي موجودة في خانة العشرات مرة في خمسة، بعد كده في سبعة، بعد كده في تلاتة. هنحطّ علامة زائد تحت سبعمية وخمسين. بعد كده هنحطّ صفر في خانة الآحاد. وهنبدأ نكتب حاصل الضرب من أول خانة العشرات؛ عشان عندنا أربعة موجودة في خانة العشرات. خمسة في أربعة بعشرين. صفر، ومعانا الاتنين. هنشطب على الواحد؛ عشان ما تلخبطناش. سبعة في أربعة بتمنية وعشرين. زائد اتنين، تلاتين. صفر، ومعانا التلاتة. أربعة في تلاتة باتناشر. زائد تلاتة، خمستاشر. هنبدأ نجمع. صفر زائد صفر، صفر. خمسة زائد صفر، خمسة. سبعة زائد صفر، سبعة. والخمستاشر الأخيرة هتنزل زيّ ما هي.

يبقى هنرجع تاني لحاصل الضرب؛ تلتمية خمسة وسبعين في اتنين وأربعين بخمستاشر ألف سبعمية وخمسين. هنكتبها في البسط. وعندنا في المقام مية في عشرة بألف. وبالتالي بقى عندنا خمستاشر ألف سبعمية وخمسين على ألف. لمّا نيجي نقسم على ألف، بنبدأ نحطّ العلامة العشرية بعد تلات أعداد. يعني هنكتب خمستاشر ألف سبعمية وخمسين، وهنبدأ نعدّ تلات أرقام، وهنحطّ العلامة العشرية. هيبقى واحد، اتنين، تلاتة. يبقى نحطّ العلامة العشرية بعد السبعة. يبقى حاصل الضرب هو خمستاشر وسبعمية وخمسين من ألف.

وممكن كمان نستخدم القيمة المكانية في إيجاد حاصل ضرب عدد عشري في عدد عشري آخر. بمعنى، إحنا جِبنا إن حاصل الضرب خمستاشر ألف سبعمية وخمسين. عايزين نحطّ العلامة العشرية، هنعمل إيه؟ هنشوف العلامة العشرية في العدد الأول محطوطة بعد كام خانة. هنلاقي واحد، اتنين. يبقى محطوطة بعد خانتين. وفي العدد التاني العلامة العشرية محطوطة بعد خانة واحدة. يبقى هنكتب: واحد. هنبدأ نجمع. اتنين زائد واحد تساوي تلاتة. يبقى هنحطّ العلامة العشرية في حاصل الضرب بعد تلات خانات. يبقى هنعدّ واحد، اتنين، تلاتة، ونحطّ العلامة العشرية بعد السبعة. يبقى حاصل الضرب هو خمستاشر وسبعمية وخمسين من ألف.

هنبدأ نجيب صفحة جديدة، ونشوف مثال تاني. عايزين نوجد حاصل ضرب اتنين واتناشر من مية في أربعة وخمسين من ألف. حاصل الضرب هيساوي كام؟

هنبدأ نحطّ الأعداد تحت بعض. وهنتجاهل العلامة العشرية. بمعنى، هنكتب ميتين واتناشر في … هنكتب تحتيها أربعة وخمسين، ونحطّ علامة يساوي. هنبدأ نضرب عادي. هنضرب الأربعة في الاتنين. بعد كده في الواحد. بعد كده في الاتنين. أربعة في اتنين بتمنية. أربعة في واحد بأربعة. أربعة في اتنين بتمنية. بعد كده نحطّ علامة زائد، ونحطّ صفر عند خانة الآحاد. وهنبدأ نضرب خمسة، اللي موجودة في خانة العشرات، مرة في الاتنين ومرة في واحد. وبعد كده في الاتنين. وهنبدأ نكتب الإجابة من أول خانة العشرات؛ عشان خمسة موجودة في خانة العشرات. اتنين في خمسة بعشرة. صفر نكتبها بالموف. صفر، ومعانا الواحد. واحد في خمسة بخمسة. زائد واحد، ستة. يبقى هنكتب ستة. خمسة في اتنين بعشرة. وهنبدأ نجمع. تمنية زائد صفر، تمنية. أربعة زائد صفر، أربعة. تمنية زائد ستة، أربعتاشر. أربعة، ومعانا الواحد. واحد زائد صفر بواحد. وآخر واحد هينزل زيّ ما هو. يبقى حاصل الضرب هو كام؟ هو حداشر ألف ربعمية تمنية وأربعين.

هنبدأ نشوف العلامة العشرية في العدد الأول محطوطة بعد كام خانة. محطوطة بعد واحد، اتنين. يبقى محطوطة بعد خانتين. والعلامة العشرية في العدد التاني، محطوطة بعد كام خانة؟ محطوطة بعد واحد، اتنين، تلاتة. يبقى بعد تلات خانات. هنبدأ نجمع. اتنين زائد تلاتة تساوي خمسة. يبقى هنحطّ العلامة العشرية في حاصل الضرب بعد خمس خانات. هنبدأ نعدّ. واحد، اتنين، تلاتة، أربعة، خمسة. وبالتالي هنحطّ العلامة العشرية بعد خمس خانات. يبقى حاصل الضرب هو حداشر ألف ربعمية تمنية وأربعين من مية ألف.

وبكده عرفنا إزّاي نضرب الأعداد العشرية.