تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: قراءة وكتابة الأعداد العشرية من فئة الجزء من ألف على الصورة القياسية واللفظية والتحليلية

سوزان فائق

يوضح الفيديو كيفية قراءة الأعداد العشرية من فئة الجزء من ألف وكتابتها على الصورة القياسية واللفظية والتحليلية.

٠٦:٢٨

‏نسخة الفيديو النصية

في الفيديو ده هنعرف إزاي نقرا ونكتب الأعداد العشرية من فئة الجزء من الألف، على الصورة القياسية، واللفظية، والتحليلية.

الأعداد العشرية بتبقى عبارة عن خانات الآحاد والعشرات، وبعدين علامة عشرية. ييجي بعد العلامة العشرية مباشرةً أجزاء العشرة، وبعدين أجزاء المائة، وبعدين أجزاء الألف. الرقم اللي موجود في أجزاء الألف؛ يعني مثلًا لو كان هنا تلاتة. التلاتة دي بتبقى قيمتها تلات أجزاء من الألف. واللي ممكن نكتبها بالشكل ده. الرقم اللي بيتكتب في أجزاء المائة، لو كان هنا مثلًا خمسة، دي بتبقى قيمتها خمس أجزاء من المية. يعني بنقولها بتبقى بالشكل ده، ونقول عليها خمسة من مية. وأجزاء العشرة بتبقى قيمتها اتنين جزء من العشرة. وتتكتب كده.

وأي أرقام قبل العلامة العشرية على يسارها، بتبقى بنفس القيمة اللي هو الاتنين في الآحاد؛ يعني قيمتها اتنين. والتلاتة في العشرات دي قيمتها تلاتين. يعني ممكن أكتب قيمة الآحاد كده. والتلاتة كده.

لمّا بنكتب العدد بالشكل ده بالأرقام؛ يعني كده اتنين وتلاتين وميتين تلاتة وخمسين من الألف، بنقول على الصورة دي هي الصورة القياسية للعدد العشري. ودي بتبقى الصورة المعتادة والشائعة لكتابة الأعداد.

والصورة اللي بتحتوي على القيمة المكانية للخانات دي، لمّا بنجمعهم على بعض بيدونا نفس العدد. بالتالي بنقول عليها هي صورة تحليلية للعدد العشري.

فيه صورة تالتة كمان، اللي هي نكتب العدد بالألفاظ. واللي هي بتبقى بالشكل ده: اتنين وتلاتين وميتين تلاتة وخمسين من ألف.

وبكده اتعرفنا على التلات صور للأعداد العشرية. نشوف أمثلة.

سمّي القيمة المنزلية للرقم الذي تحته خط في العدد … اللي قدامنا ده، ثم اكتب قيمته.

الرقم سبعة ده مكانه في جدول القيمة المكانية هو أجزاء الألف. وبالتالي قيمته هتبقى سبعة من ألف. بيبقى السبعة في الخانة التالتة. والخانتين التانيين بنحط فيهم أصفار، لغاية ما نوصل للعلامة العشرية.

اكتب العدد خمسة وستمائة وأربعتاشر من ألف بالصورتين القياسية والتحليلية.

القياسية اللي هي الصورة المعتادة لينا، اللي هي بالأرقام. الخمسة ده آحاد. وستمية وأربعتاشر من ألف، هييجي بعد العلامة العشرية ستمية وأربعتاشر. واللي حدّد لنا هي كلمة من ألف. يعني تلات خانات بعد العلامة العشرية. وهي دي الصورة القياسية.

هنكتب الصورة التحليلية، ودي اللي بتحتوي القيمة المكانية للخانات. الخمسة في القيمة المكانية للآحاد. والستة في أجزاء من العشرة. والواحد في أجزاء من المائة. والأربعة أجزاء من الألف. فلمّا هنكتبها في الصورة التحليلية هنقول إن العدد خمسة وستمية وأربعتاشر من ألف هيساوي … الخمسة في الآحاد زي ما هي. زائد الست أجزاء من العشرة. يبقى الستة وهنحط العلامة العشرية على طول بعدها. زائد أجزاء المائة اللي فيها الواحد. يبقى الواحد وهنحط بعدها صفر لغاية ما نوصل للعلامة العشرية. زائد الأربعة في أجزاء من الألف. يبقى هنحط مكان الخانتين اللي بينها وبين العلامة العشرية، هنحط صفرين. تبقى بالشكل ده. وبالتالي لو جمعناهم على بعض هيدونا نفس العدد.

مثال كمان: جمّع محمد العدد … اللي قدامنا ده كيلوجرام تمرًا من نخلة في فناء منزله. اقرأ هذا العدد ثم اكتبه بالصورة اللفظية.

هنبص نشوف العلامة العشرية فين. اللي على يمينها هيبقى أجزاء من العدد. يعني أجزاء من العشرة، أجزاء من المائة، أجزاء من الألف. واللي على اليسار بيبقى الآحاد أو العشرات. هنا فيه خانة واحدة بس فيها الرقم تلاتة. فهتبقى تلاتة من الآحاد، وبعدين العلامة العشرية. يبقى هنقول تلاتة و … التسعة في أجزاء المائة. السبعة في أجزاء العشرة. يعني تسعة وسبعين من مية. يبقى تلاتة وتسعة وسبعين من مية كيلوجرام.

لمّا هنكتبها بالصورة اللفظية، يبقى الصورة اللفظية ثلاثة وتسعة وسبعون من مائة.

اتكلمنا في الفيديو ده عن قراءة وكتابة الأعداد العشرية من فئة الجزء من الألف. وعرفنا إزاي نكتبها على الصورة القياسية أو التحليلية أو اللفظية. وعرفنا إن الصورة القياسية اللي هي بنمثّل العدد بالأرقام. والصورة التحليلية اللي هي قِيَم الأرقام، القيمة المكانية للأرقام. والصورة اللفظية اللي بتبقى عبارة عن الكلمات المعبِّرة عن الأرقام.