نسخة الفيديو النصية
رتّب تلك القياسات تنازليًّا: ستة وتسعين من مية كيلومتر، تسعة وتمانين ألف خمسمية وستاشر وتمنية من عشرة سنتيمتر، ربعمية واحد وتلاتين ألف ملليمتر.
عشان نعرف نرتّب القياسات تنازليًّا، لازم كلهم يكونوا بنفس وحدة القياس. وبالتالي للتحويل بين وحدات قياس الطول، هنستعمل الرسم التالي. في البداية بما إنه الواحد كيلومتر بيساوي ألف متر، عشان أحوّل من كيلومتر لمتر هضرب في ألف. وبما إنه الواحد متر يساوي مية سنتيمتر، عشان أحوّل من متر لسنتيمتر هضرب في مية. وبما إنه الواحد سنتيمتر هيساوي عشرة ملليمتر، عشان أحوّل من سنتيمتر لملليمتر هضرب في عشرة. وبالتالي بالعكس، عشان أحوّل من ملليمتر لسنتيمتر هقسم على عشرة. وعشان أحوّل من سنتيمتر لمتر هقسم على مية. وعشان أحوّل من متر لكيلومتر هقسم على ألف.
هنلاحظ إن القياسات المعطاة بالكيلومتر وبالسنتيمتر وبالملليمتر. هحوّل كل القياسات إلى الوحدة الأصغر، وهي الملليمتر. وبالتالي ستة وتسعين من مية كيلومتر عشان أحوّلها لملليمتر، هضرب الأول في ألف، وبعدين هضرب في مية، وبعدين هضرب في عشرة، حسب الرسمة المعطاة. يعني هيساوي ستة وتسعين من مية في مليون. وبالتالي لمّا هنضرب في وجود الفصلة العشرية، هنحرّك الفصلة العشرية في اتجاه اليمين عدد ست أرقام؛ لأن موجود عندي ست أصفار، زي ما موضّح قدامي. يعني هيساوي تسعمية وستين ألف ملليمتر.
بعد كده هنحوّل السنتيمتر إلى ملليمتر. تمنية وتسعين ألف خمسمية وستاشر وتمنية من عشرة سنتيمتر عشان أحوّلها لملليمتر هضرب في عشرة. يعني هحرّك الفصلة العشرية في اتجاه اليمين رقم واحد. يعني هيساوي تمنمية خمسة وتسعين ألف ومية تمنية وستين ملليمتر.
دلوقتي كل القياسات بقت بالملليمتر. لمّا هنقارن التلات قياسات، وهي: ربعمية واحد وتلاتين ألف ملليمتر، وتسعمية وستين ألف ملليمتر، وتمنمية خمسة وتسعين ألف ومية تمنية وستين ملليمتر، القياس الأكبر هو تسعمية وستين ألف ملليمتر، وهو مكافئ لستة وتسعين من مية كيلومتر. وبالتالي الترتيب التنازلي: ستة وتسعين من مية كيلومتر، هكتبه وأشطب عليه. بعد كده تمنمية خمسة وتسعين ألف ومية تمنية وستين ملليمتر، اللي هو مكافئ لتسعة وتمانين ألف وخمسمية وستاشر وتمنية من عشرة سنتيمتر، هكتبه وأشطب عليه. هيتبقّى القياس الأخير اللي هو ربعمية واحد وتلاتين ألف ملليمتر.
