فيديو السؤال: شروط الدوال الأسية الرياضيات • الصف الثاني الثانوي

نسخة الفيديو النصية

تكون الدالة د س تساوي أ أس س دالة أسية، إذا كان أ أي، شرطة؛ وَ س أي، شرطة. مطلوب تكملة الجملة بالأربع اختيارات اللي عندنا. مطلوب تحديد أي الإجابات هي الإجابة الصحيحة.

بنلاقي عندنا إن لو كانت د س بتساوي أ أس س دالة أسية، فبنقول إن س عبارة عن متغيّر مستقل، وهو بيكون عبارة عن الأُس عندنا زي ما إحنا شايفين كده أ أس س. وبنلاقي إن س لازم تكون عدد حقيقي. وبنقول إن أ بيكون عبارة عن الأساس للدالة الأسية. ولازم يكون عدد حقيقي موجب لا يساوي واحد؛ لأن لو أ بتساوي واحد، فبالتالي أصبحت الدالة ليست دالة أسية.

يبقى شروط الدالة الأسية؛ بنلاقي إن س لازم تكون عدد حقيقي، وبنلاقي أن أ وهو عبارة عن الأساس لازم يكون عدد حقيقي موجب لا يساوي واحد. وبكده بنلاقي عندنا إن الاختيار الصحيح بيكون عبارة عن الاختيار ب؛ لأن زي ما إحنا شايفين كده، لو جينا كمّلنا الجملة، بنلاقي إن أ أي عدد حقيقي موجب ما عدا الواحد، وَ س أي عدد حقيقي. يبقى الاختيار الصحيح هو الاختيار ب.