فيديو السؤال: تقريب الأعداد لأقرب مائة ألف الرياضيات

نسخة الفيديو النصية

قرِّب ميتين تمنية وخمسين ألف مية سبعة وسبعين لأقرب مائة ألف، هنكتب العدد اللي عندنا ده ونشوف القيم المكانية لكل رقم من الأرقام اللي بيتكون منها، عندنا أول الخانة من اليمين هي الآحاد، بعد كده عندنا العشرات، بعد كده عندنا المئات، وبعدين، بعد كده عندنا خانة الألوف، وبعدين خانة عشرات الألوف، وبعد كده خانة مئات الألوف، لو عايزين نقرب العدد ده لأقرب مائة ألف؛ يبقى هنحط خط تحت الرقم اللي في خانة مئات الألوف، وأشوف الرقم اللي على يمينه، الرقم اللي على يمينه لو كان بيساوي خمسة أو أكتر يبقى هنزود الرقم اللي تحته خط بواحد، وبعدين نحول كل الأرقام اللي على يمينه لأصفار بالشكل ده، كده الرقم اللي في خانة مئات الألوف زاد واحد فبقى تلاتة، وكل الأرقام اللي على يمينه أصبحت أصفار؛ يبقى العدد ميتين تمنية وخمسين ألف مية سبعة وسبعين، لو قربناه لأقرب مائة ألف هيصبح تلتمية ألف.