فيديو: استخدام نموذج مساحة لاستنتاج خاصية التوزيع لعملية الضرب

يوضح الشكل مستطيل أضلاعه ﺃ، ﺏ + ﺟ. بناءً على ذلك مساحة المستطيل ﺃ × (ﺏ + ﺟ)، ، ويمكن صياغتها أيضًا على الصورة ﺃ(ﺏ + ﺟ). احسب مساحة المستطيلين اللذين يصنعان المستطيل الأكبر لإيجاد التعبير الذي يكافئ ﺃ(ﺏ + ﺟ).

٠٢:٣٤

‏نسخة الفيديو النصية

يوضح الشكل مستطيل أضلاعه أ و ب زائد ج؛ بناءً على ذلك مساحة المستطيل أ في ب زائد ج، ويمكن صياغتها أيضًا على الصورة: أ، ما بين قوسين ب زائد ج. احسب مساحة المستطيلين اللذين يصنعان المستطيل الأكبر لإيجاد التعبير الذي يكافئ أ، وبين قوسين ب زائد ج.

دلوقتي هنشوف بالراحة المعطيات اللي عندنا في المسألة وإيه المطلوب. معطى عندنا الضلعين أ و ب زائد ج، دول أضلاع المستطيل الكبير اللي عندنا، اللي رسمناه باللون الأخضر دلوقتي. مساحة أي مستطيل زي ما إحنا عارفين بتبقى حاصل ضرب الطول في العرض؛ يعني حاصل ضرب أ في، ب زائد ج، اللي هي معطاة عندنا دي، ممكن نكتبها بشكل آخر، بنحذف علامة الضرب وبنكتبها بالطريقة دي: أ وبين قوسين ب زائد ج، دي برضو معناها إن أ تم ضربها في القوس ب زائد ج. والمطلوب مننا إننا دلوقتي نحسب مساحة المستطيلين اللي بيعملوا مع بعض المستطيل الأخضر الكبير.

هنبدأ الأول بحساب مساحة المستطيل اللي ظلّلناه ده، مساحته هتبقى حاصل ضرب الطول في العرض، يعني هتبقى حاصل ضرب أ في ب. دلوقتي هنوجد مساحة المستطيل الآخر اللي بيعمل مع المستطيل اللي جنبه المستطيل الأخضر الكبير، مساحته هتبقى حاصل ضرب الطول في العرض، اللي هو …

دلوقتي هنوجد مساحة المستطيل الآخر، اللي هو مساحته هتبقى برضو حاصل ضرب الطول في العرض، يعني حاصل ضرب أ في ج. التعبير اللي قدامنا ده عبارة عن مجموع مساحة المستطيلين اللي هو مع بعض بيكون مساحة المستطيل الأكبر. نقدر نبسط التعبير ده، هنلاحظ إن فيه عامل مشترك، اللي هو الـ أ، فهناخده عامل مشترك، وبعدين نفتح قوسين، هيبقى عندنا ب زائد ج؛ يبقى كده فعلًا ده التعبير اللي بيكافئ مساحة المستطيل الأكبر اللي معطى عندنا، قدرنا نوصل له عن طريق جمع مساحة المستطيلين اللي بيتكوّن منهم.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.