فيديو: تصنيف العناصر إلى مجموعات وعَدُّ العناصر في كل مجموعة

يختار الأطفال في الصف (ب) ألوانهم المفضلة. كم طفلًا يفضّل اللون الأحمر؟ كم طفلًا يفضّل اللون الأزرق؟ كم طفلًا يفضّل اللون الزهري أكثر من اللون الأصفر؟ كم مجموعة صنّف إليها الأولاد ألوانهم المفضّلة؟

٠٢:٠٦

‏نسخة الفيديو النصية

يختار الأطفال في الصف ب ألوانهم المفضلة. زي اللون الأزرق، واللون الأحمر، واللون الأصفر، واللون الزهري، اللي موجودين في الجدول ده. واللي هنعرف منه عدد الأطفال اللي بيفضّلوا أي لون منهم. وعندنا أربع أسئلة هنقدر نجاوبهم باستخدام الجدول ده.

أول سؤال بيقول: كم طفلًا يفضّل اللون الأحمر؟

هنعدّ الدوائر اللي تحت اللون الأحمر، هنلاقيها واحد اتنين. معنى كده إن عدد الأطفال اللي بيفضّلوا اللون الأحمر همّ اتنين.

والسؤال التاني بيقول: كم طفلًا يفضّل اللون الأزرق؟

بنفس الطريقة هنعدّ الدوائر اللي تحت اللون الأزرق من الجدول. واحد اتنين تلاتة. معنى كده إنه عدد الأطفال اللي بيفضلوا اللون الأزرق هو تلاتة.

أما تالت سؤال بيقول: كم طفلًا يفضّل اللون الزهري، أكثر من اللون الأصفر؟

فهنعد دلوقتي الأطفال اللي بيفضلوا اللون الزهري، هنلاقيه واحد اتنين تلاتة أربعة. وعدد الأطفال اللي بيفضلوا اللون الأصفر همّ واحد اتنين. فعلشان نعرف عدد الأطفال اللي بيفضّلوا اللون الزهري عن اللون الأصفر، هنطرح أربعة اللي هو عدد الأطفال اللي بيفضّلوا الزهري، ناقص اتنين واللي هو عدد الأطفال اللي بيفضلوا الأصفر، واللي هنلاقيه بيساوي اتنين.

والسؤال الرابع والأخير بيقول: كم مجموعة صنّف إليها الأولاد ألوانهم المفضّلة؟

فهنعدّ مجموعة اللون الأزرق، ومجموعة اللون الأحمر، ومجموعة اللون الأصفر، ومجموعة اللون الأخير وهو اللون الزهري. فهنلاقيهم أربع مجموعات لأربع ألوان المفضلة لديهم.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.