نسخة الفيديو النصية
إذا كان أ ب ج مثلثًا قائم الزاوية في ب، وَ أ ب يساوي اثنا عشر سنتيمترًا، وَ ب ج يساوي خمسة سنتيمترات. فأوجد طول أ ج.
حسب نظرية فيثاغورس، مربع الوتر يساوي مجموع مربعَي الضلعين الآخرين. فلو المثلث بالشكل ده، وقائم الزاوية في ب، يبقى الضلع أ ج هو الوتر. ده معناه إن أ ج تربيع هيساوي أ ب تربيع، زائد ب ج تربيع. ده هيساوي اتناشر تربيع زائد خمسة تربيع. يعني هيساوي … اتناشر تربيع بيساوي مية وأربعة وأربعين. زائد … خمسة تربيع بيساوي خمسة وعشرين.
يبقى أ ج تربيع هيساوي مية وأربعة وأربعين زائد خمسة وعشرين. يعني مية وتسعة وستين. وبأخذ الجذر التربيعي للطرفين، هيبقى أ ج بيساوي الجذر التربيعي لمية وتسعة وستين. يعني بيساوي تلتاشر سنتيمتر.
