فيديو: حل المسائل الكلامية التي تتضمَّن ضرب عدد مُكوَّن من ثلاثة أرقام في عدد مُكوَّن من رقم واحد

إذا اشترى تاجر ٤١٨ قطعة من الشوكولاتة، وكان سعر القطعة الواحدة جنيهين، فما السعر الكلي؟

٠١:١٤

‏نسخة الفيديو النصية

إذا اشترى تاجر ربعمية وتمنتاشر قطعة من الشيكولاتة، وكان سعر القطعة الواحدة جنيهين، فما السعر الكلي؟

إحنا عارفين عدد قطع الشوكولاتة اللي اشتراها التاجر، اللي هم ربعمية وتمنتاشر. وعندنا سعر القطعة الواحدة، اللي هو جنيهين، يعني اتنين جنيه. يعني نقدر نوجد السعر الكلي بإننا نضرب عدد القطع، في سعر كل قطعة. عدد القطع هو ربعمية وتمنتاشر، هنضربه في سعر القطعة، اللي هو اتنين جنيه.

هنبدأ نجري عملية الضرب. هنضرب اتنين في تمنية، يبقى ستاشر. ستة، والواحد هنحتفظ بيه فوق خانة العشرات. نبدأ دلوقتي نضرب اتنين في واحد يساوي اتنين. وما ننساش نجمع عليهم الواحد ده، يبقى تلاتة. وبعدين نضرب اتنين في آخر رقم عندنا، اللي هو أربعة. اتنين في أربعة يساوي تمنية.

ويبقى حاصل الضرب هو تمنمية ستة وتلاتين. وكده قدرنا نستنتج السعر الكلي لقطع الشوكولاتة اللي اشتراها التاجر كلها. وهيبقى تمنمية ستة وتلاتين جنيهًا.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.