تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: تطبيق العمليات على المصفوفات لإيجاد القِيَم المجهولة

سوزان فائق

إذا كان (٧، −٢، −٥ و٢، ١٠، −٢ و٥، −٨، ٥) + (١١، ١١، ٩ و٠، ١١، ٥ و٦، ١، ٢) = (ﺱ، ١، ﺹ و٢، ﻉ، ٣ وﺃ، −٧، ﺏ)، فأوجد قيم، ﺱ، ﺹ، ﻉ، ﺃ، ﺏ.

٠٢:٥٦

‏نسخة الفيديو النصية

إذا كانت المصفوفة: سبعة سالب اتنين سالب خمسة، اتنين عشرة سالب اتنين، وخمسة سالب تمنية وخمسة؛ مجموعة على المصفوفة: حداشر وحداشر وتسعة، وصفر وحداشر وخمسة، وستة وواحد واتنين. بتساوي المصفوفة س وواحد وَ ص، واتنين وَ ع وتلاتة، وَ أ وسالب سبعة وَ ب. فاوجد قيم س وَ ص وَ ع وَ أ وَ ب.

لجمع مصفوفتين بنجمع كل عنصر مع العنصر المناظر له. يعني السبعة مناظرة للحداشر. اللي زيه في نفس المكان بالظبط. الصف الأول العمود الأول. يعني العشرة دي في الصف التاني العمود التاني، تتجمع على العنصر اللي في الصف التاني العمود التاني، اللي هو هنا الحداشر. كل عنصر مع العنصر المناظر له.

يبقى علشان نوجد قيم س وَ ص وَ ع وَ أ وَ ب، هنجمع المصفوفتين الأولانين دول، وهنشوفهم هيساوي المصفوفة اللي فيها الـ س والـ ص والـ ع، ونوجد قيمهم.

لمّا هنجمع المصفوفتين الأولانيين، هيبقى بالشكل ده؛ السبعة زائد الحداشر، والسالب اتنين زائد الحداشر، وهكذا لآخر عناصر المصفوفة. بجمع العناصر، هيبقى مجموعهم بالشكل ده؛ تمنتاشر وتسعة وأربعة، اتنين واحد وعشرين وتلاتة، حداشر وسالب سبعة وسبعة. المصفوفة دي بتساوي المصفوفة اللي هي فيها الـ س والواحد والـ ص، والاتنين والـ ع والتلاتة، والـ أ والسالب سبعة والـ ب.

من خصائص المصفوفات إن لو تساوت مصفوفتين، يبقى كل عنصر هيساوي العنصر المناظر له، يعني اللي زيه في نفس المكان بالظبط. يعني لو العنصر ده في الصف الأول العمود الأول، لازم يساوي العنصر اللي في الصف الأول في العمود الأول في المصفوفة التانية. يعني معنى كده إن الـ س هتساوي تمنتاشر.

هنشوف الـ ص. الـ ص هنا في العمود التالت الصف الأول. هنوجد العنصر المناظر ليه، اللي هو هتبقى الأربعة. يبقى الـ ص هتساوي الأربعة.

الـ ع في الصف التاني العمود التاني، هنشوف العنصر المناظر لها، هنلاقيه اللي هو الواحد وعشرين. يبقى الـ ع هتساوي واحد وعشرين.

الـ أ في الصف التالت العمود الأول. هنشوف العنصر المناظر ليها. هنلاقي هنا الحداشر، يبقى الـ أ هتساوي الحداشر.

وبنفس الطريقة هنوجد الـ ب. هنلاقي إن الـ ب بتساوي سبعة.

وهي دي القيم المطلوبة س تساوي تمنتاشر. الـ ص تساوي الأربعة. الـ ع بتساوي واحد وعشرين. والـ أ بتساوي حداشر. والـ ب بتساوي سبعة.