فيديو: كتابة تعبيرات الطرح في المسائل الكلامية الممثَّلة بالصور

يوجد أربع كعكات على طبق. ٢ من هذه الكعكات عليهما كريمة شوكولاتة. أيٌّ من التالي يُخبِرنا عدد الكعكات التي ليس عليها كريمة الشوكولاتة؟ [أ] ٤ + ٢ [ب] ٣ − ٢ [ج]٤ − ٢

٠٢:٢٥

‏نسخة الفيديو النصية

يوجد أربع كعكات على طبق. اتنين من هذه الكعكات عليها كريمة شوكولاتة. أي من التالي يخبرنا عدد الكعكات التي ليس عليها كريمة الشوكولاتة؟ أربعة زائد اتنين. تلاتة ناقص اتنين. أربعة ناقص اتنين.

السؤال بيقول لنا إننا عندنا أربع كعكات على الطبق اللي قدامنا ده. واحد، اتنين، تلاتة، أربعة. اتنين من الكعكات دي عليهم كريمة شوكولاتة. وعاوزين نعرف أيّ تعبير من الـتلاتة تعبيرات اللي قدامنا هو اللي بيوضّح لنا عدد الكعكات اللي ما عليهاش كريمة شوكولاتة. يعني إيه اللي ما عليهاش كريمة شوكولاتة؟ يعني اللي بالفانيليا، اللي هي دي، ودي.

طيب إحنا علشان نعرفهم نعمل إيه؟ أول حاجة هنعملها هي إننا هنكتب عدد الكعكات كلها. إحنا قلنا عدد الكعكات كلها أربع كعكات. لو شِلنا من عدد الكعكات كلها كعكات الشوكولاتة، هيتبقى لنا الفانيليا، أو اللي هي مش عليها شوكولاتة. يعني لو جينا على الطبق بتاعنا اللي هو فيه أربع كعكات، وشِلنا الشوكولاتة دي، وشيلنا الشوكولاتة دي. هيتبقى لنا اللي هي مش عليها شوكولاتة اللي هي الفانيليا. طيب اللي إحنا عملنا ده بقى اسمه إيه؟ اسمه طرح. عندنا الأربع كعكات في الطبق كلهم، اللي هي الأربعة دي. شِلنا منهم يعني طرحنا الاتنين الشوكولاتة. يبقى أربعة ناقص اتنين. هو ده التعبير اللي بيمثل لنا عدد الكعكات الباقية.

طيب لو جينا نبُص في الاختيارات. هل هي أربعة زائد اتنين؟ لأ. طيب تلاتة ناقص اتنين؟ برضو لأ. طيب أربعة ناقص اتنين؟ أيوة، تبقى هي دي الإجابة الصح؛ أربعة ناقص اتنين. أربعة عدد الكعك كله، واتنين كعك الشوكولاتة اللي شِلناه. يتبقى لنا الكعك اللي من غير شوكولاتة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.