فيديو: استخدام المخططات التصويرية لاستكشاف خاصية الإبدال في الجمع

هل لهذين المجموعين نفس الناتج؟

٠١:٢٣

‏نسخة الفيديو النصية

هل لهذين المجموعين نفس الناتج؟

عاوزين نبصّ على المجموع ده، والمجموع ده. ونشوف ليهم نفس الناتج ولّا لأة. في الشكل الأول، عندنا مجموع عشرة زائد سبعة. يعني العشرة دول، مِتزوّد عليهم السبعة دول. فممكن نعدّ بعد العشرة: حداشر، اتناشر، تلتاشر، أربعتاشر، خمستاشر، ستاشر، سبعتاشر. فده معناه إن عشرة زائد سبعة بتساوي سبعتاشر.

طيب نيجي كده للشكل اللي تحت. عندنا هنا سبعة، مجموع عليهم عشرة. سبعة زائد عشرة. لو عدّينا بعد السبعة: تمنية، تسعة، عشرة، حداشر، اتناشر، تلتاشر، أربعتاشر، خمستاشر، ستاشر، سبعتاشر. برضو بتساوي سبعتاشر.

نفهم من كده إيه؟ إن عشرة زائد سبعة، هي هيّاها لو بدّلناهم، عملنا إبدال، وبقت سبعة زائد عشرة. في الحالتين الناتج واحد، وهو الإيه؟ السبعتاشر. يبقى لمّا نيجي نجاوب على السؤال: «هل لهذين المجموعين نفس الناتج؟» نقوله: نعم. وهي دي الإجابة الصح: نعم.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.