تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: استخدام التناسب لإيجاد القيم المجهولة

أحمد خليل

إذا كان ٢١/ﺃ = ٩/٧ = ﺏ/٣٦، فأوجد قيمة كلٍّ من ﺃ، ﺏ.

٠٢:٠٤

‏نسخة الفيديو النصية

إذا كان واحد وعشرين على أ، يساوي سبعة على تسعة، يساوي ب على ستة وتلاتين. فاوجد قيمة كلٍّ من أ وَ ب.

عندنا تلات نسب بتساوي بعضها. يبقى ده تناسب؛ لأن التناسب هو تساوي نسبتين أو أكثر. ولو عندنا أ وَ ب وَ ج وَ د كميات متناسبة. هيبقى أ وَ د هُمَا طرفَي التناسب، وَ ب وَ ج وسطي التناسب. يبقى حاصل ضرب الطرفين هيساوي حاصل ضرب الوسطين. يعني أ مضروبة في د، هتساوي ب مضروبة في ج.

عندنا واحد وعشرين على أ، يساوي سبعة على تسعة، يساوي ب على ستة وتلاتين. معنى كده إن واحد وعشرين وَ أ وسبعة وتسعة هي كميات متناسبة. وهيبقى حاصل ضرب الطرفين، اللي همّ واحد وعشرين مضروبة في تسعة، بيساوي أ مضروبة في سبعة. الطرفين اللي همّ أ وَ د، والوسطين اللي همّ ب وَ ج.

علشان نحصل على قيمة أ، هنقسم الطرفين على سبعة. وهيبقى أ بيساوي واحد وعشرين في تسعة على سبعة. واحد وعشرين على سبعة بتساوي تلاتة. وسبعة على سبعة بيساوي واحد. ويعني هيبقى تلاتة في تسعة بتساوي سبعة وعشرين.

نيجي لسبعة على تسعة يساوي ب على ستة وتلاتين. ده تساوي نسبتين يبقى تناسب. وطالما إن ده تناسب، يبقى حاصل ضرب الطرفين بيساوي حاصل ضرب الوسطين. الطرفين اللي همّ سبعة وستة وتلاتين. والوسطين اللي همّ تسعة وَ ب. هنقسم الطرفين على تسعة؛ علشان نحصل على قيمة ب. ب هتساوي ستة وتلاتين في سبعة على تسعة. ستة وتلاتين على التسعة فيها الأربعة. تسعة على تسعة فيها واحد. أربعة مضروبة في سبعة هتساوي تمنية وعشرين. وبكده هتبقى قيمة أ بتساوي سبعة وعشرين، وَ ب بتساوي تمنية وعشرين.