فيديو: حل المسائل الكلامية التي تتضمَّن ضرب الأعداد الكسرية

تُعِد أميرة صلصة للمكرونة الإسباجتي. تُشير وصفة الطعام إلى أنها تحتاج إلى ٤/١ ٣ أكواب من الماء. إذا أرادت أميرة إعداد ٢/١ ٣ من الكَمية المُشار إليها في الوصفة، فما مقدار الماء الذي يجب استخدامه؟ ‎

٠٢:٥٤

‏نسخة الفيديو النصية

تُعِدُّ أميرة صلصة للمكرونة الإسباجتي. تشير وصفة الطعام إلى أنها تحتاج إلى تلاتة ورُبع أكواب من الماء. إذا أرادت أميرة إعداد تلاتة ونص من الكمية المشار إليها في الوصفة، فما مقدار الماء الذي يجب استخدامه؟

السؤال بيقول لنا إن أميرة بتعد صلصة للمكرونة. الوصفة اللي أميرة هتاخد منها طريقة عمل الصلصة دي، تشير إلى أنها تحتاج تلاتة ورُبع أكواب من الماء. ده معناه إن وصفة الصلصة الواحدة، هتحتاج إلى تلاتة ورُبع أكواب من الماء. وبعدين السؤال قال لنا: إذا أرادت أميرة إعداد تلاتة ونص من الكمية المشار إليها في الوصفة … يعني أميرة هتعمل تلات مرات ونص من وصفة الصلصة. وبيسألنا في السؤال، لو أميرة أعدّت تلاتة ونص من الكمية المشار إليها في الوصفة، هتحتاج قدّ إيه أكواب من الماء؟

علشان نعرف مقدار الماء الذي يجب استخدامه هيكون قدّ إيه، هنضرب تلاتة ونص، في تلاتة ورُبع. وبعدين نقسمهم على الواحد. تلاتة ونص في تلاتة ورُبع، على الواحد؛ هي هي تلاتة ونص، في تلاتة ورُبع.

عشان نعرف نحسب ضربهم بيساوي كام، هنحوّلهم لكسور. التلاتة في اتنين، بستة. ستة زائد واحد، بسبعة. والمقام هننزّله زيّ ما هو، باتنين. يبقى التلاتة ونص هتساوي سبعة على الاتنين. وهنا هنضرب برضو التلاتة في أربعة، باتناشر. اتناشر زائد واحد، بتلتاشر. وهننزّل المقام، بأربعة. كده يبقى كتبنا تلاتة ورُبع في صورة كسر تلتاشر على الأربعة. دلوقتي هنضرب البسط في البسط، والمقام في المقام، عادي خالص. السبعة في تلتاشر، بواحد وتسعين. والاتنين في أربعة، بتمنية.

ما ننساش في السؤال إنّ ادّى لنا عدد أكواب الماء، على صورة عدد صحيح وجنبه كسر. إحنا دلوقتي هنحاول نخلّي الواحد وتسعين على التمنية، في نفس الصورة. هنخلّيها في صورة عدد صحيح وكسر. نقدر نكتبه على الصورة دي، لو خلّينا الواحد وتسعين، بتمنية وتمانين زائد تلاتة. وبعدين هننزّل المقام عادي.

تمنية وتمانين زائد تلاتة، على التمنية، ممكن نكتبها تمنية وتمانين على التمنية، زائد تلاتة على التمنية. تمنية وتمانين على التمنية، فيها الحداشر، زائد تلاتة على تمنية. حداشر زائد، تلاتة على تمنية، ممكن تتكتب حداشر وتلاتة على تمنية. كده إحنا قدرنا نوصّلها للصورة اللي إحنا عايزينها. إذن مقدار الماء الذي يجب استخدامه، بيساوي حداشر وتلاتة على تمنية كوبًا من الماء.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.