تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: حل معادلات القيمة المطلقة

أحمد مدحت

ما مجموعة حل المعادلة ٣|ﺱ| − ٦٦ = ٠؟

٠١:٢٨

‏نسخة الفيديو النصية

عندنا في المثال معادلة هي تلاتة مقياس س ناقص ستة وستين يساوي صفر، وعايزين نوجد مجموعة حل المعادلة دي.

بالنسبة للمعادلة اللي عندنا، فهي بتحتوي على القيمة المطلقة أو المقياس. وإحنا لو عندنا مقياس الدالة د س يساوي أ؛ هيبقى لا إما الدالة د س تساوي أ، أو الدالة د س تساوي سالب أ. فبالتالي علشان نحل المعادلة اللي عندنا هنحتاج إن إحنا نخلي مقياس س في طرف لوحدها من الطرفين بتوع المعادلة.

فهنبدأ نكتب المعادلة اللي عندنا مرة كمان، والمعادلة هي تلاتة مقياس س ناقص ستة وستين يساوي صفر. عايزين نخلي مقياس س أو القيمة المطلقة لـ س في طرف لوحدها من الطرفين بتوع المعادلة، فأول حاجة هنتخلص من سالب ستة وستين بإن إحنا هنضيف لطرفَي المعادلة ستة وستين. فلما هنضيف لطرفَي المعادلة ستة وستين، هيبقى عندنا تلاتة مقياس س يساوي ستة وستين.

بعد كده علشان نتخلص من التلاتة اللي مضروبة في مقياس س، هنقسم طرفَي المعادلة على تلاتة؛ وبكده يبقى عندنا مقياس س يساوي اتنين وعشرين، يعني بقى مقياس س في طرف لوحده من الطرفين بتوع المعادلة.

وبما إن مقياس س يساوي اتنين وعشرين، فهيبقى يا إما س تساوي اتنين وعشرين، أو س تساوي سالب اتنين وعشرين؛ معنى كده إن هتبقى مجموعة حل المعادلة هي المجموعة اتنين وعشرين وسالب اتنين وعشرين.