نسخة الفيديو النصية
عيّن مجال الدالة: د س بتساوي الجذر التربيعي لسالب خمسة وخمسين ناقص سبعة س، في مجموعة الأعداد الحقيقية ح.
في البداية، لو افترضنا عندنا دالة ر س، وبتساوي الجذر التربيعي لـ س. فلو عايزين نوجد مجال الدالة ر س، فهيكون جميع الأعداد الحقيقية التي تجعل ما بداخل الجذر التربيعي أكبر من أو بيساوي صفر. وبالتالي النسبة للدالة د س، اللي بتساوي الجذر التربيعي لسالب خمسة وخمسين ناقص سبعة س … فعشان نوجد مجال الدالة، محتاجين نوجد قيم س اللي بتجعل ما بداخل الجذر التربيعي أكبر من أو بتساوي صفر.
يعني هيكون عندنا سالب خمسة وخمسين ناقص سبعة س أكبر من أو بتساوي الصفر. وبالتالي عشان نقدر نوجد قيمة س، هنجمع السبعة س عَ الطرفين، فهيكون عندنا سالب خمسة وخمسين أكبر من أو بتساوي سبعة س. هنقسم الطرفين على سبعة، فهيكون عندنا سالب خمسة وخمسين على سبعة أكبر من أو بتساوي س.
وبالتالي قيم س اللي بتجعل ما بداخل الجذر التربيعي أكبر من أو بيساوي صفر هتكون هي قيم س اللي بتكون أصغر من أو بتساوي سالب خمسة وخمسين على سبعة.
ويبقى مجال الدالة د س هو الفترة المفتوحة عند سالب ما لا نهاية ومغلقة عن سالب خمسة وخمسين على سبعة. ويبقى كده قدرنا نوجد مجال الدالة د س.
