تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد نقطة بداية متجه بمعلومية نقطة نهايته ومركبته

أحمد لطفي

متجه له مركبتان (−١، −٢) ونقطة نهاية (−٩، ٠). ما نقطة بدايته؟

٠٢:٤٥

‏نسخة الفيديو النصية

متّجه له مركّبتان سالب واحد وسالب اتنين، ونقطة نهاية سالب تسعة وصفر. ما نقطة بدايته؟

في البداية لو افترضنا إن عندنا مثلًا متّجه أ ونقطة بدايته هي س واحد وَ ص واحد، ونقطة نهاية المتّجه أ هي س اتنين وَ ص اتنين؛ فعشان نقدر نوجد مركّبتا المتّجه أ فهتساوي نقطة نهاية المتّجه أ ناقص نقطة بداية المتّجه أ، يعني هتساوي س اتنين وَ ص اتنين ناقص س واحد وَ ص واحد؛ يعني هيساوي س اتنين ناقص س واحد، وَ ص اتنين ناقص ص واحد.

وبالنسبة للمتّجه المُعطى مُعطى إن له مركّبتان سالب واحد وسالب اتنين؛ وبالتالي نقطة النهاية ممكن نعبر عنها بـ س اتنين وَ ص اتنين؛ وبالتالي لو عايزين نوجد مركّبتا المتّجه المعطى فهتساوي … هنعوّض عن س اتنين بسالب تسعة، ناقص … س واحد هنكنبها زي ما هي، وهنعوض عن ص اتنين بصفر، ناقص … ص واحد هنكتبها زي ما هي، وبما إن معطى إن المتّجه له مركّبتان اللي هما سالب واحد وسالب اتنين؛ يبقى نقدر نوجد س واحد وَ ص واحد اللي بيمثلوا نقطة بداية المتّجه.

أول حاجة هنساوي الإحداثي السيني اللي هو سالب تسعة ناقص س واحد بالإحداثي السيني اللي هو سالب واحد؛ وبالتالي عشان نقدر نوجد قيمة س واحد هنجمع س واحد على الطرفين، فهيكون عندنا سالب تسعة بتساوي س واحد ناقص واحد، هنجمع واحد على الطرفين، فهيكون عندنا س واحد هتساوي سالب تمنية؛ ويبقى كده قدرنا نوجد قيمة س واحد.

عشان نوجد قيمة ص واحد فعندنا صفر ناقص ص واحد هيساوي سالب اتنين؛ يعني هيكون عندنا سالب ص واحد هيساوي سالب اتنين، هنضرب الطرفين في سالب واحد، فهيكون عندنا ص واحد هتساوي اتنين؛ وبالتالي نكون قدرنا نوجد س واحد وص واحد، ويبقى نقطة بداية المتّجه هتكون هي النقطة سالب تمنية واتنين.