فيديو: تطبيق خواص المضلعات في المسائل الكلامية

كم عصاةً يحتاجها سامح لتغيير هذا الشكل السداسي ليصبح ثُمانيَ أضلاع؟

٠١:١٨

‏نسخة الفيديو النصية

كم عصاة يحتاجها سامح لتغيير هذا الشكل السداسي، ليصبح ثُماني أضلاع؟

لو بصينا على الشكل اللي قدامنا، هنلاقي إنه بيتكوّن من ست أضلاع. الست أضلاع دول بيمثّلهم ست عصيان صغيرين استخدمناهم عشان نرسم الشكل السداسي. طب إحنا مطلوب مننا نحوّل الشكل السداسي ده، عشان يبقى ثُماني أضلاع. ثُماني أضلاع يعني بدل ما هو عنده ست أضلاع، يبقى عنده تمن أضلاع. فرق عدد الأضلاع أصبح دلوقتي بدل ستة، عايزينهم يبقوا تمنية. يعني محتاجين نكمّل على الستة بأضلاع قد إيه، عشان تصبح تمنية؟

خلينا حاطّين الستة في مخنا، ونكمّل: سبعة، تمنية. يعني احتجنا نزوّد اتنين على الستة، علشان تصبح تمنية. ده معناها إن إحنا محتاجين عصايتين كمان، عشان الشكل اللي قدامنا يصبح ثُماني أضلاع. فيبقى سامح لمّا يكمّل الشكل بحيث إنه يخليه ثُماني الأضلاع، زي الشكل اللي قدامنا، محتاج كمان اتنين من العصي. يبقى سامح هيحتاج اتنين من العصي.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.