تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: استخدام نظرية ذات الحدين

أحمد لطفي

استخدم نظرية ذات الحدين لإيجاد مفكوك (ﺃ + ٢ﺏ)^٤.

٠٣:١٧

‏نسخة الفيديو النصية

استخدم نظرية ذات الحدين لإيجاد مفكوك أ زائد اتنين ب الكل أس أربعة.

في البداية لو كان عندنا ذات حدين بالشكل ده س زائد ص الكل أس ن، لو عايزين نوجد مفكوك ذات الحدين، فهيكون ن ق صفر مضروب في س أس ن ناقص صفر مضروب في ص أس صفر، زائد ن ق واحد مضروب في س أس ن ناقص واحد مضروب في ص أس واحد، زائد ن ق اتنين مضروب في س أس ن ناقص اتنين مضروب في ص أس اتنين، زائد نقط، زائد ن ق ن مضروب في س أس ن ناقص ن مضروب في ص أس ن.

وبالتالي بالنسبة لذات الحدين أ زائد اتنين ب الكل أس أربعة، لو عايزين نوجد مفكوكها، فهيكون عندنا قيمة ن بأربعة؛ يعني أول حد هيكون أربعة ق صفر: أول حد اللي هو أ هيكون أس أربعة ناقص صفر، تاني حد اللي هو اتنين ب هيكون أس صفر؛ زائد أربعة ق واحد: أول حد اللي هو أ هيكون أس أربعة ناقص واحد، تاني حد اللي هو اتنين ب هيكون أس واحد؛ زائد أربعة ق اتنين أول حد اللي هو أ هيكون أس أربعة ناقص اتنين، تاني حد اللي هو اتنين ب هيكون أس اتنين؛ زائد أربعة ق تلاتة: أول حد اللي هو أ هيكون أس أربعة ناقص تلاتة، تاني حد اللي هو اتنين ب هيكون أس تلاتة؛ زائد أربعة ق أربعة: أول حد اللي هو أ هيكون أس أربعة ناقص أربعة، تاني حد اللي هو اتنين ب هيكون أس أربعة.

يعني مفكوك ذات الحدين هيساوي … يعني مفكوك ذات الحدين هيساوي … أربعة ق صفر هيساوي واحد في … أ أس أربعة ناقص صفر يعني هيساوي أ أس أربعة، مضروب في اتنين ب أس صفر؛ يعني مضروب في واحد؛ زائد أربعة ق واحد هيساوي أربعة مضروب في … أ أس أربعة ناقص واحد يعني هيكون أ أس تلاتة، مضروب في اتنين، مضروب في ب أس واحد؛ زائد أربعة ق اتنين هيساوي ستة، مضروب في أ أس اتنين، مضروب في اتنين أس اتنين، مضروب في ب أس اتنين؛ زائد أربعة ق تلاتة هيساوي أربعة، مضروب في أ، مضروب في اتنين أس تلاتة، مضروب في ب أس تلاتة؛ زائد أربعة ق أربعة هيساوي واحد، مضروب في أ أس أربعة ناقص أربعة يعني مضروب في واحد، مضروب في اتنين أس أربعة، مضروب في ب أس أربعة.

يعني المفكوك هيساوي أ أُس أربعة، زائد تمنية أ أس تلاتة ب، زائد أربعة وعشرين أ أس اتنين ب أس اتنين، زائد اتنين وتلاتين أ في ب أس تلاتة، زائد ستاشر ب أس أربعة.

وبالتالي نكون قدرنا نوجد مفكوك ذات الحدين أ زائد اتنين ب الكل أس أربعة.