تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: حساب التباديل لإيجاد مجاهيل ثم حساب قيمتها في تباديل أخرى

أحمد لطفي

إذا كان (^١٢)ل(_س) = ١٣٢٠. فأوجد (^٧س − ٥)ل(_س).

٠٢:٢٠

‏نسخة الفيديو النصية

إذا كان اتناشر ل س بتساوي ألف تلتمية وعشرين. فاوجد سبعة س ناقص خمسة ل س.

في البداية لو عندنا ن ل ر، فبتساوي ن مضروبة في ن ناقص واحد، مضروبة في ن ناقص اتنين، مضروبة في نقط، مضروبة في ن ناقص ر زائد واحد. وبالتالي هنكون محتاجين نوجد عوامل العدد ألف تلتمية وعشرين. وبما إن معطى اتناشر ل س بتساوي ألف تلتمية وعشرين. فهنلاحظ إن ن هتساوي اتناشر. يعني هيكون عندنا أول عدد هو اتناشر. فهنقسم ألف تلتمية وعشرين على اتناشر، هيساوي مية وعشرة.

تاني حاجة هنقلل الاتناشر واحد؛ يعني هنقسم مية وعشرة على حداشر، هيساوي عشرة. على عشرة هيساوي واحد. يعني هيكون عندنا اتناشر ل س، هيساوي ألف تلتمية وعشرين. يعني اتناشر ل س هتساوي اتناشر في حداشر في عشرة. يعني اتناشر ل س هتساوي … اتناشر في حداشر في عشرة هنكتبها في صورة اتناشر ل تلاتة. ويبقى عندنا اتناشر ل س بتساوي اتناشر ل تلاتة. وبالتالي س هتساوي تلاتة. يبقى كده قدرنا نوجد قيمة س وكانت بتساوي تلاتة.

مطلوب إننا نوجد قيمة سبعة س ناقص خمسة ل س. هنعوّض عن س بتلاتة، فهيكون عندنا … محتاجين نوجد قيمة سبعة مضروبة في تلاتة ناقص خمسة ل تلاتة. يعني محتاجين نوجد قيمة ستاشر ل تلاتة. ويبقى ستاشر ل تلاتة هتساوي … أول حاجة هنكتب أول عدد هو ستاشر، في … هننقص ستاشر واحد، هنكتب خمستاشر، في … هننقص خمستاشر واحد، هنكتب أربعتاشر. وهنلاحظ إن عندنا تلات أعداد اللي همّ ستاشر وخمستاشر وأربعتاشر؛ عشان عندنا ستاشر ل تلاتة.

ويبقى ستاشر ل تلاتة هيساوي ستاشر في خمستاشر في أربعتاشر. يعني هتساوي تلات آلاف تلتمية وستين. يبقى كده قدرنا نوجد قيمة سبعة س ناقص خمسة ل س، لمّا كانت س بتساوي تلاتة. وكانت قيمتها بتساوي تلات آلاف تلتمية وستين.