فيديو: استخدام الوسط الحسابي لإيجاد القيمة الناقصة في مجموعة بيانات

آدم معة البيانات التالية: ١٨، ﻡ، ١١، ١٥. إذا كان الوسط الحسابي يساوي ١٣، فأوجد قيمة ﻡ.

٠١:٤٢

‏نسخة الفيديو النصية

آدم معه البيانات التالية: تمنتاشر، م، حداشر، خمستاشر. إذا كان الوسط الحسابي يساوي تلتاشر، فأوجد قيمة م.

الوسط الحسابي بيساوي مجموع البيانات، على عدد البيانات. فإذا كان الوسط الحسابي بيساوي تلتاشر. وعدد البيانات بيساوي أربعة. يبقى تلتاشر هيساوي مجموع البيانات اللي هو: تمنتاشر زائد م، زائد حداشر، زائد خمستاشر؛ على أربعة. وده هيساوي أربعة وأربعين زائد م، الكل على أربعة.

بعد كده، نستخدم الضرب التبادلي. فهيبقى تلتاشر في أربعة، بيساوي أربعة وأربعين زائد م. فهنضرب تلتاشر في أربعة، فده هيساوي … أول حاجة نضرب أربعة في تلاتة، فده هيساوي اتناشر. فنكتب اتنين في الناتج، ونضيف واحد فوق القيمة المكانية اللي بعد كده. بعدين نضرب أربعة في واحد، هيساوي أربعة. ونضيف ليها واحد، يبقى الناتج هيساوي خمسة.

يبقى تلتاشر في أربعة، هيساوي اتنين وخمسين. يبقى اتنين وخمسين بتساوي أربعة وأربعين زائد م. وبطرح أربعة وأربعين من الطرفين. هتبقى م بتساوي اتنين وخمسين ناقص أربعة وأربعين. يعني م بتساوي تمنية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.