فيديو: تطبيق نظرية فيثاغورس لحَلُّ المسائل المعقدة

أوجد محيط ﺃﺏﺟد.

٠٣:١٣

‏نسخة الفيديو النصية

أوجد محيط أ ب ج د.

عشان أوجد محيط أ ب ج د، محتاجين نوجد طول الضلع أ د؛ اللي بيمثّل الوتر للمثلث أ ج د. وعشان نوجده، محتاجين نوجد طول الضلع أ ج؛ اللي بيمثّل الوتر للمثلث القائم أ ب ج. حسب نظرية فيثاغورس، فمربع الوتر بيساوي مجموع مربعَي الضلعين الآخَرين. يبقى ممكن نقول إن في المثلث أ ب ج، أ ج تربيع هيساوي أ ب تربيع زائد ب ج تربيع.

ده هيساوي … أ ب تربيع اللي بيساوي عشرين تربيع، زائد ب ج تربيع اللي بيساوي تمنية وأربعين تربيع. ده هيساوي … عشرين تربيع بيساوي ربعمية. زائد … تمنية وأربعين تربيع بيساوي ألفين وتلتمية وأربعة. وربعمية زائد ميتين [ألفين] وتلتمية وأربعة، بيساوي ألفين وسبعمية وأربعة. وبأخْذ الجذر التربيعي للطرفين، هيبقى أ ج بيساوي الجذر التربيعي لألفين وسبعمية وأربعة. يعني بيساوي اتنين وخمسين سنتيمتر.

بعد كده، في المثلث أ ج د، ممكن نقول إن أ د تربيع بيساوي أ ج تربيع زائد ج د تربيع. ده بيساوي … أ ج تربيع بيساوي اتنين وخمسين تربيع. زائد … ج د تربيع بيساوي تسعة وتلاتين تربيع. اتنين وخمسين تربيع بيساوي ألفين وسبعمية وأربعة. زائد … تسعة وتلاتين تربيع بيساوي ألف وخمسمية وواحد وعشرين. وألفين وسبعمية وأربعة زائد ألف وخمسمية وواحد وعشرين، هيساوي أربعة آلاف وميتين وخمسة وعشرين. وبأخْذ الجذر التربيعي للطرفين، هيبقى أ د بيساوي الجذر التربيعي لأربعة آلاف وميتين وخمسة وعشرين. يعني هيساوي خمسة وستين سنتيمتر.

يبقى ممكن نقول إن محيط الشكل أ ب ج د، بيساوي أ ب زائد ب ج زائد ج د زائد أ ج. ده هيساوي … أ ب بيساوي عشرين سنتيمتر. زائد … ب ج بيساوي تمنية وأربعين سنتيمتر. زائد … ج د بيساوي تسعة وتلاتين سنتيمتر. زائد … أ د اللي أوجدناه بيساوي خمسة وستين سنتيمتر. ومجموع الأعداد دي، اللي هو محيط أ ب ج د، هيساوي مية واتنين وسبعين سنتيمتر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.