فيديو: تفسير ضرب الأعداد الصحيحة

أيٌّ مما يلي يساوي ٤ + ٤ + ٤ + ٤ + ٤ + ٤ + ٤ + ٤؟ [أ] ٨ × ٨ [ب] ٤ × ٤ [ج] ١٢ × ٤ [د] ٤ × ٨

٠١:٤٥

‏نسخة الفيديو النصية

أيٌّ مما يلي يساوي أربعة زائد أربعة، زائد أربعة، زائد أربعة، زائد أربعة، زائد أربعة، زائد أربعة، زائد أربعة؟ أ: تمنية في تمنية. ب: أربعة في أربعة. ج: اتناشر في أربعة. د: أربعة في تمنية.

في السؤال ده هنربط بين عملية الضرب وعملية الجمع. عملية الضرب هي عبارة عن عملية جمع متكررة. يعني إيه؟ أو الجمع المتكرر ده هو إيه؟ هو إننا بناخد عدد واحد، ونجمعه مرات كتيرة. زيّ في السؤال عندنا، العدد أربعة مجموع أكتر من مرة. فبنحوّل عملية الجمع المتكرّرة دي، لعملية ضرب. إزاي؟

بناخد العدد اللي هو اتجمع كذا مرة، اللي هو الأربعة، ونضربه في عدد مرات جمْعه. نشوفه هو عندنا هنا في السؤال، اتجمع كام مرة. لو عدّينا الأربعات اللي في السؤال، هنلاقيهم تمنية. فده معناه إن الأربعة اتجمعت تمن مرات. يبقى نقول أربعة في تمنية. يبقى كده العدد في عدد مرات جمْعه.

يبقى أربعة في تمنية هو اللي بيساوي الأربعات اللي مجموعة في السؤال. لو جينا نبصّ على الاختيارات، هنلاقي أول اختيار تمنية في تمنية، مش صح. واللي بعده أربعة في أربعة، برضو مش هو اللي صح. والاختيار التالت اتناشر في أربعة، برضو مش صح. الاختيار الرابع أربعة في تمنية، وهو ده اللي إحنا وصلنا له. فيبقى الاختيار الصح هو أربعة في تمنية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.