فيديو: المقارنة بين معدَّلَيْ تغيُّر دالتين خطيتين

حدّد أيٌّ من الدوال التالية له معدل تغيُّر أكبر. [أ] الشكل أ [ب] الشكل ب

٠١:٥٢

‏نسخة الفيديو النصية

حدّد أيٌّ من الدوال التالية له معدل تغيُّر أكبر.

نقدر نوصف معدل التغير للدوال باستخدام الميل. فنوجد ميل الدالة الأولى، والدالة التانية. الميل بيساوي التغير الرأسي على التغير الأفقي. فعشان نوجد ميل دالة، هنعوّض بأيّ نقطتين منها. والتغير الرأسي هيبقى الإحداثي الصادي للنقطة التانية، ناقص الإحداثي الصادي للنقطة الأولى. والتغير الأفقي هيبقى الإحداثي السيني للنقطة التانية، ناقص الإحداثي السيني للنقطة الأولى.

فبالنسبة للدالة أ، ناخد النقطة الأولى، والنقطة التانية. فهيبقى ميل الدالة أ بيساوي الإحداثي الصادي للنقطة التانية، ناقص الإحداثي الصادي للنقطة الأولى. يعني اتنين ناقص سالب واحد. على … الإحداثي السيني للنقطة التانية ناقص الإحداثي السيني للنقطة الأولى. يعني واحد ناقص صفر. وده هيساوي تلاتة على واحد، يعني هيساوي تلاتة.

عشان نوجد ميل الدالة ب، هناخد نقطتين من التمثيل البياني ليها. فهناخد النقطتين: صفر وسالب ستة، وسالب تسعة وصفر. فهيبقى ميل الدالة ب بيساوي صفر ناقص سالب ستة، على سالب تسعة ناقص صفر. وده هيساوي ستة على سالب تسعة، يعني هيساوي سالب اتنين على تلاتة. فهنلاقي إن ميل الدالة أ بيساوي تلاتة، وميل الدالة ب بيساوي سالب اتنين على تلاتة. وبالتالي ميل الدالة أ أكبر من ميل الدالة ب. فهتبقى الدالة أ ليها معدل تغيُّر أكبر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.