فيديو: حل المعادلات التربيعية

أوجد مجموعة حل المعادلة (ﺱ − ١٧)^٢ = ٠ في ﺡ.

٠١:٣٦

‏نسخة الفيديو النصية

أوجد مجموعة حل المعادلة: س ناقص سبعتاشر الكل تربيع يساوي صفر، في ح.

أول حاجة هنكتب المعادلة التربيعية مرة أخرى. بعد كده هنحاول نعزل المتغير س؛ عشان نقدر نوجد جميع قيم س التي تحقق هذه المعادلة. وده هيتم من خلال التالي؛ أخذ الجذر التربيعي للطرفين. وبالتالي بنلاقي إن الطرف اليمين هيكون عبارة عن س ناقص سبعتاشر. والجذر التربيعي لصفر في الطرف الشمال هيفضل صفر. بنكمل بعد كده ونعزل المتغير س، وده هيتم من خلال جمع السبعتاشر على الطرفين. يبقى س ناقص سبعتاشر زائد سبعتاشر، تساوي صفر زائد سبعتاشر. بنلاقي إن ناقص سبعتاشر زائد سبعتاشر مجموعهم بصفر. وبالتالي س عندنا هتساوي صفر زائد سبعتاشر؛ يعني بسبعتاشر. وبكده مجموعة الحل هتكون كالتالي؛ مجموعة الحل هتكون عبارة عن المجموعة سبعتاشر. وبكده ما فيش غير قيمة واحدة فقط هي اللي بتحقّق هذه المعادلة، وتمثل مجموعة حل لها، وهي س تساوي سبعتاشر أو القيمة سبعتاشر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.