فيديو: إيجاد طاقة حركة جسم يتحرَّك بين نقطتين بمعلومية إحداثياتهما والقوة المؤثِّرة في الصورة المتجهة

إذا كانت إحداثيات النقطتين ﺃ، ﺏ هي (−٨، −٨)، (٩، −٣). وتحرك جسم كتلته الوحدة من ﺃ في اتجاه القطعة المستقيمة ﺃﺏ إلى إن وصل إلى النقطة ﺏ تحت تأثير القوة ق؛ حيث ق = ٦ المتجه ﺱ + ٧ المتجه ﺹ وحدة قوة، وبدأ الجسم التحرك من السكون فأوجد طاقة الحركة عند ﺏ، باستخدام مبدأ الشغل والطاقة.

٠٢:١٩

‏نسخة الفيديو النصية

إذا كانت إحداثيات النقطتين أ وَ ب هي سالب تمنية وسالب تمنية، والتسعة والسالب تلاتة. وتحرك جسم كتلته الوحدة من أ في اتجاه القطعة المستقيمة أ ب، إلى إن وصل إلى النقطة ب تحت تأثير القوة ق؛ حيث الـ ق المتجه بتاعها بيساوي ستة س زائد سبعة في اتجاه الـ ص وحدة قوة. وبدأ الجسم التحرك من السكون فاوجد طاقة الحركة عند ب، باستخدام مبدأ الشغل والطاقة.

بما إن طاقة الحركة بتساوي القوة، مضروبة ضرب قياسي في الإزاحة اللي هي ف، واللي هي بتساوي الشغل اللي بيعمله الجسم. الـ ق معطاة اللي هي ستة في اتجاه السينات، زائد سبعة في اتجاه الصادات. عايزين نوجد الـ ف اللي هي الإزاحة. وبما إن بنتحرك من النقطة أ إلى اتجاه الـ ب، يبقى الـ ف هتساوي متجه الـ ب ناقص الـ أ. يعني هتساوي النقطة ب هي التسعة والسالب تلاتة، والـ أ هي السالب تمنية وسالب تمنية.

هنطرح كل مركّبة من المركّبة اللي زيها؛ يعني التسعة ناقص السالب تمنية بتساوي سبعتاشر في اتجاه السينات، والسالب تلاتة ناقص السالب تمنية يبقى خمسة في اتجاه الصادات. يبقى الـ ف اللي هي المسافة هتساوي سبعتاشر في اتجاه السينات، زائد خمسة في اتجاه الصادات.

بالتعويض علشان نوجد الشغل. هيساوي ستة في اتجاه السينات، زائد السبعة في اتجاه الصادات، مضروبة ضرب قياسي في السبعتاشر في اتجاه السينات، زائد الخمسة في اتجاه الصادات. بنضرب الضرب القياسي في إن السينات في اتجاه السينات هنضربهم في بعض، ونجمعهم على الصادات مع الصادات. يبقى هتساوي ستة في سبعتاشر، زائد سبعة في خمسة. هتساوي مية سبعة وتلاتين وحدة شُغل. وهي دي الإجابة المطلوبة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.