فيديو: إيجاد النسبة بين قطعتين مستقيمتين في أبسط صورة

ما النسبة بين طولَيْ ﺃﺟ، ﺃﻫ في أبسط صورة؟

٠١:٤٣

‏نسخة الفيديو النصية

ما النسبة بين طولَي أ ج وَ أ ﻫ، في أبسط صورة؟

ومعطى عندنا الشكل اللي قدامنا. والمطلوب إننا نوجد النسبة بين طولَي أ ج وَ أ ﻫ. ففي الأول هنلاحظ عندنا إن القطعة المستقيمة أ ﻫ، متقسّمة إلى أربع أجزاء بالتساوي. يعني هنلاحظ عندنا إن أ ب بيساوي ب ج، بيساوي ج د، بيساوي د ﻫ.

فبالتالي لمّا نوجد النسبة بين طولَي أ ج وَ أ ﻫ، في أبسط صورة. فهنلاحظ من الشكل، إن أ ج هي عبارة عن جزئين متساويين. اللي هم أ ب، وَ ب ج. فمعنى كده إن هيبقى طول القطعة المستقيمة أ ج، هي عبارة عن جزئين.

وأمّا القطعة المستقيمة أ ﻫ، فهنلاحظ إن هي بتتكوّن من أربع أجزاء متساوية. اللي هي: أ ب، وَ ب ج، وَ ج د، وَ د ﻫ. فبالتالي هتبقى أ ﻫ عبارة عن أربع أجزاء. فمعنى كده إن هتبقى نسبة أ ج، إلى أ ﻫ، هي اتنين إلى أربعة.

لكن المطلوب في السؤال إننا نوجد النسبة في أبسط صورة. فنقدر نبسّط النسبة عن طريق إننا نقسم العددين اللي عندنا، اتنين وأربعة، على اتنين. فلمّا نقسم اتنين على اتنين، هتبقى بتساوي واحد. وأمّا أربعة لمّا نقسمها على اتنين، هتبقى بتساوي اتنين. وبالتالي هتبقى نسبة أ ج إلى أ ﻫ، هي واحد إلى اتنين. وهتبقى هي دي إجابة السؤال.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.