نسخة الفيديو النصية
عاد كريم إلى المنزل في تمام الساعة الثامنة. إذا أراد أن ينتظر حتى يصنع عقربَا الساعة زاوية قائمة، قبل أن يعاود الخروج من المنزل مرة أخرى. فإلى أي ساعة يجب عليه الانتظار؟
السؤال بيقول لنا إن فيه ولد اسمه كريم، رجع البيت الساعة تمنية، بالشكل ده. وعاوزين نعرف لو هو عاوز يفضل قاعد مستني في البيت، لحد ما عقربي الساعة اللي قدامنا دي يعمل زاوية قائمة، هيخرج الساعة كام؟
الساعة تمنية اللي قدامنا دي عبارة عن زاوية منفرجة. طيب لو إحنا عندنا زاوية منفرجة بالشكل ده، اللي هي زي الساعة تمنية. عاوزين نخليها قائمة. فنحرك الضِّلع بالشكل ده، وتكون قائمة. طيب لو جينا نطبّق ده على الساعة، يبقى الساعة اللي قدامنا كده كام؟ العقرب الصغير بيبُص على التسعة، والعقرب الكبير بيبص على الاتناشر. فده معناه إن هو المفروض يستنى ساعة واحدة. لأن في الساعة الأولى كانت الساعة تمنية، اللي هي زاوية منفرجة. وفي الساعة التانية الساعة بقت تسعة، اللي هي زاوية قائمة.
فده معناه إن هو المفروض يستنى لحد ما الساعة تكون تسعة؛ يعني تتحول من التمنية للتسعة. فتبقى الإجابة الصح هي تسعة.
