تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: فك مربع كامل

أحمد مدحت

أوجد مفكوك المقدار (٢ﺱ + ٥)^٢.

٠١:٣٨

‏نسخة الفيديو النصية

عندنا في المثال عايزين نوجد مفكوك المقدار اتنين س زائد خمسة الكل تربيع.

بالنسبة للمقدار اللي عندنا، فهو عبارة عن مربع مجموع حدين. وبيكون مفكوكه عبارة عن: مربع الحد الأول، زائد اتنين في حاصل ضرب الحد الأول في التاني، زائد مربع الحد التاني. فمثلًا لو عندنا مربع مجموع حدين على الشكل أ زائد ب الكل تربيع، فهيكون مفكوكه عبارة عن: أ تربيع واللي هو مربع الحد الأول، زائد اتنين أ ب واللي هو اتنين في حاصل ضرب الحد الأول في الحد التاني، زائد ب تربيع واللي هو مربع الحد التاني.

وبنفس الطريقة هيبقى عندنا اتنين س زائد خمسة الكل تربيع يساوي مربع الحد الأول، واللي هو اتنين س الكل تربيع؛ زائد اتنين في حاصل ضرب الحد الأول في التاني، يعني زائد اتنين في اتنين س في خمسة؛ زائد مربع الحد التاني، يعني زائد خمسة تربيع.

بالنسبة لاتنين س الكل تربيع فهو يساوي أربعة س تربيع، أمّا اتنين في اتنين س في خمسة فيساوي عشرين س، وبالنسبة لخمسة تربيع فهي تساوي خمسة وعشرين. بكده هيبقى المقدار اتنين س زائد خمسة الكل تربيع يساوي أربعة س تربيع، زائد عشرين س، زائد خمسة وعشرين. وبكده يبقى إحنا أوجدنا مفكوك المقدار اتنين س زائد خمسة الكل تربيع.