فيديو: مطابقة الأعداد المُكوَّنة من ثلاثة أرقام بالصورة اللفظية

طابق العدد المكوَّن من ثلاثة أرقام بصورته اللفظية: ٥٢٢. [أ] مئتان واثنان وخمسون [ب] مئتان وخمسة وعشرون [ج] خمسمائة وخمسة وعشرون [د] خمسمائة واثنان وعشرون

٠٢:٤١

‏نسخة الفيديو النصية

طابِق العدد المكوَّن من ثلاثة أرقام بصورته اللفظية: خمسمية اتنين وعشرين. أ: مئتان واثنان وخمسون. ب: مئتان وخمسة وعشرون. ج: خمسمائة وخمسة وعشرون. د: خمسمائة واثنان وعشرون.

عندنا العدد اللي قدامنا ده، اللي هو خمسمية اتنين وعشرين. نكتبه هنا كده؛ خمسمية اتنين وعشرين. وعاوزين نكتبه في الصورة اللفظية. طب هو خمسمية اتنين وعشرين ده مكوَّن من إيه؟ مكوَّن من اتنين، اللي هي اثنان. تمام؟ واتنين في خانة العشرات، اللي هي العشرين. يعني عشرون باللغة العربية. ومكوَّن من خمسة في خانة المئات، اللي هي خمسمائة. طيب وإحنا لمّا جينا نقراه قريناه إزاي؟ قلنا: خمسمية اتنين وعشرين. تعالوا بقى نرتِّبه صحّ. فهيبقى إيه؟ خمسمائة. أهي. واثنان وعشرون. اللي هي خمسمية اتنين وعشرين.

طيب اللي إحنا كتبناه ده هو أيّ اختيار من الاختيارات اللي عندنا؟ تعالوا نشوف. أول اختيار اسمه إيه؟ مئتان واثنان وخمسون. مئتان واثنان وخمسون. ميتين اتنين وخمسين. مش هي الإجابة الصحّ. إحنا عاوزين خمسمية اتنين وعشرين، اللي هو خمسمائة واثنان وعشرون.

ونشوف اللي بعده. مئتان وخمسة وعشرون. مئتان وخمسة وعشرون. اللي هي ميتين خمسة وعشرين. برضو مش هي اللي صحّ. نشوف الاختيار اللي بعده. خمسمائة وخمسة وعشرون. خمسمائة خمسة في المئات. وخمسة خمسة في الآحاد. وعشرون اتنين في العشرات. خمسمية خمسة وعشرين. برضو مش هو الإجابة الصحّ.

نشوف الأخير. خمسمائة واثنان وعشرون. آدي خمسة في المئات خمسمائة. واثنان في الآحاد. وعشرون يعني اتنين في العشرات. آه هي دي الإجابة الصحّ؛ خمسمية اتنين وعشرين. اللي هي بالصورة اللفظية: خمسمائة واثنان وعشرون. تبقى هي دي الإجابة الصحّ اللي إحنا المفروض نختارها.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.