فيديو: إيجاد الباقي الناتج من قسمة كثيرتَي حدود

أوجد المتبقي عند قسمة ٤ﺱ^٢ + ٤ﺱ + ٣ على ٢ﺱ − ٣.

٠٢:٢٤

‏نسخة الفيديو النصية

اوجد المتبقّي عند قسمة أربعة س تربيع زائد أربعة س زائد تلاتة، على اتنين س ناقص تلاتة.

بنلاقي إن المطلوب هو إيجاد الباقي، لمّا نقسم كثيرة حدود على كثيرة حدود أخرى. وعشان كده هنستخدم القسمة المطوّلة؛ عشان نقدر نوجد الباقي ده. فالقسمة المطوّلة هتكون كالتالي. بنكتب المقسوم، زيّ ما إحنا شايفين كده، أربعة س تربيع زائد أربعة س زائد تلاتة. وبنكتب هنا المقسوم عليه. والناتج هيكون هنا. واللي هيتبقّى في الآخر هو عبارة عن باقي القسمة.

بعد كده هنبدأ عملية القسمة. بنلاقي إن أربعة س تربيع هو أكبر حد في المقسوم، واتنين س هو أكبر حد في المقسوم عليه. وأكبر حد يعني ذات أكبر قوى لـ س. يبقى بنقسم أربعة س تربيع على اتنين س، بنلاقي إن الناتج عبارة عن اتنين س. بعد كده هنضرب الناتج، اللي هو اتنين س، في المقسوم عليه اتنين س ناقص تلاتة.

يبقى اتنين س في اتنين س أربعة س تربيع. اتنين س في ناقص تلاتة، يبقى الناتج ناقص ستة س. بعد كده هنطرح، يبقى أربعة س تربيع ناقص أربعة س تربيع، الناتج بصفر. وأربعة س ناقص ناقص ستة س، يبقى الناتج عبارة عن زائد عشرة س. زائد تلاتة.

بعد كده هنقسم عشرة س على اتنين س، يبقى الناتج عبارة عن زائد خمسة. يبقى زائد خمسة هنضربها في، اتنين س ناقص تلاتة. يبقى الناتج هيبقى عبارة عن عشرة س ناقص خمستاشر. هنطرح، فبنلاقي إن عشرة س ناقص عشرة س الناتج بصفر. وتلاتة ناقص ناقص خمستاشر، يبقى الناتج هيساوي زائد تمنتاشر.

يبقى ناتج القسمة عندنا عبارة عن اتنين س زائد خمسة. وباقي القسمة عبارة عن تمنتاشر. يبقى بنكتب كده النتيجة النهائية: المتبقّي عبارة عن تمنتاشر. وبكده يبقى قدِرنا نحسب باقي قسمة كثيرة الحدود المذكورة في السؤال، على اتنين س ناقص تلاتة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.