نسخة الفيديو النصية
رتّب الأعداد: مية اتنين وتلاتين ألف وتمنمية تلاتة وتلاتين. والعدد ميتين واتناشر ألف وستمية وأربعة. والعدد ميتين خمسة وسبعين ألف وخمسمية ستة وستين. والعدد سبعمية سبعة وتمانين ألف وربعمية تمنية وسبعين ترتيبًا تنازليًّا.
الترتيب التنازلي معناه إننا هنرتّب من الأكبر للأصغر. وعلشان نعرف نقارن الأعداد، ونشوف أنهي أكبر، فهنكتب القيم المكانية لأرقام الأعداد دي. الأعداد الموجودة كلها مكوّنة من ست أرقام. علشان كده القيم المكانية اللي عندنا هتكون آحاد، وعشرات، ومئات، وألوف، وعشرات الألوف، ومئات الألوف.
أول حاجة هنبصّ عليها هي الأرقام الموجودة في أكبر خانة، واللي هي خانة مئات الألوف. هنلاقي عندنا الأرقام واحد، واتنين، واتنين، وسبعة. طبعًا سبعة، لأن هي الأكبر، فهيكون العدد الأخير ده هو أكبر عدد.
وبعدين هنرجع نقارن التلات أعداد الباقيين. في خانة مئات الألوف، عندنا واحد، واتنين، واتنين. وطبعًا لأن الاتنين أكبر، فهنقارن العددين دول الأول. اتنين واتنين زيّ بعض، فهنبصّ للخانة اللي بعدها، اللي هي خانة عشرات الألوف. هنلاقي عندنا واحد وسبعة. ولأن السبعة هي الأكبر، فهيكون العدد ده هو الأكبر.
بعد كده هنقارن العددين التانيين. في خانة مئات الألوف، عندنا واحد، وعندنا اتنين. ولأن الاتنين أكبر، فهيكون العدد ده هو العدد الأكبر. وهو ده رقم تلاتة. والعدد الأخير هو العدد رقم أربعة. وبالتالي هيكون هو ده ترتيب الأعداد تنازليًّا من الأكبر للأصغر.
