فيديو: إيجاد قيمة محدد الرتبة الثالثة‎

احسب |١، −٩، −٦ و−٨، ٤، ١ و٢، −١، ٩|.

٠٢:١٨

‏نسخة الفيديو النصية

احسب قيمة المحدِّد واحد سالب تسعة سالب ستة، سالب تمنية أربعة واحد، اتنين سالب واحد تسعة.

هنفُكّ بمعلومية الصف الأول، فهتبقى الإشارات هنا: موجب، سالب، موجب. يبقى قيمة المحدد هتساوي الواحد مضروبة في المحدد ده؛ يبقى: أربعة واحد، سالب واحد تسعة؛ ناقص السالب تسعة مضروبة في المحدد: سالب تمنية وواحد، واتنين وتسعة؛ زائد سالب ستة مضروبة في المحدد ده: سالب تمنية أربعة، اتنين سالب واحد.

هنبسط القيمة يبقى الواحد مضروبة في المحدد ده؛ أربعة في تسعة بستة وتلاتين، ناقص السالب واحد في الواحد، وهنا ناقص في سالب تسعة يبقى موجب تسعة، مضروبة في قيمة المحدد؛ سالب تمنية في تسعة ناقص … واحد في اتنين يعني ناقص اتنين. موجب في سالب بموجب؛ يبقى ناقص ستة، مضروبة في … سالب تمنية في سالب واحد، ناقص أربعة في اتنين.

هنجمّع؛ السالب واحد في الواحد بسالب واحد، سالب تمنية في تسعة بسالب اتنين وسبعين، سالب تمنية في سالب واحد بتمنية، أربعة في اتنين بتمنية. هنا تمنية ناقص التمنية هتبقى دي قيمتها كلها صفر، يبقى ستة وتلاتين ناقص سالب واحد، آدي سبعة وتلاتين، زائد سالب اتنين وسبعين ناقص اتنين؛ يبقى سالب أربعة وسبعين، مضروبة في التسعة، يبقى هيساوي سالب ستمية تسعة وعشرين. وهي دي قيمة المحدِّد المطلوبة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.