فيديو: فهم الدوال والعلاقات

حدّد هل العبارة الآتية صحيحة أم خاطئة: كل دالّة علاقة رياضية، لكن ليس كل علاقة رياضية دالّة؟

٠١:٠٩

‏نسخة الفيديو النصية

حدّد هل العبارة الآتية صحيحة أم خاطئة: كل دالّة علاقة رياضية، لكن ليس كل علاقة رياضية دالّة؟

وعشان نشوف العبارة دي صحيحة أم خاطئة، خلّينا في الأول نعرف إيه هي الدالّة. الدالّة هي العلاقة التي تعيّن لكل قيمة من المُدخلات قيمة واحدة فقط من المُخرجات. فمعنى كده إن كل دالّة هي عبارة عن علاقة رياضية. يبقى الجزء الأول من العبارة صحيح.

وأمّا الجزء التاني من العبارة، اللي هو لكن ليس كل علاقة رياضية دالّة، فزيّ ما عرفنا من تعريف الدالّة إن هي العلاقة اللي بتعيّن لكل قيمة من المدخلات قيمة واحدة فقط من المخرجات، فمعنى كده إننا لو عندنا علاقة رياضية لكن العلاقة دي بتعيّن لكل قيمة من المدخلات أكتر من قيمة واحدة من المخرجات؛ فمعنى كده إنها تبقى علاقة رياضية لكن ما ينفعش تكون دالّة.

فمعنى كده إن كل دالّة علاقة رياضية، لكن ليس كل علاقة رياضية دالّة. فبالتالي هتبقى العبارة اللي عندنا في السؤال هي عبارة صحيحة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.