فيديو: طرح عددين مكونين من ثلاثة أرقام

أماني يوسف

يملك رجل ٨٠٠ جنيه. أنفق من المبلغ ٧٠٠ جنيه للأعمال الخيرية. ماذا تبقَّى معه؟

٠١:٢٧

‏نسخة الفيديو النصية

يملك رجل تمنمية جنيه. أنفق من المبلغ سبعمية جنيه للأعمال الخيرية. ماذا تبقّى معه؟

في راجل معاه تمنمية جنيه. يبقى كل الفلوس اللي كانت معاه تمنمية جنيه. خد منهم، أو شال منهم؛ يعني نطرح منهم. ناقص سبعمية جنيه، ودّاهم للأعمال الخيرية. اتبقّى معاه قدّ إيه؟ اتبقّى معاه يعني الباقي أو الناتج اللي هيطلع هنا، هيكون قدّ إيه؟ وهي دي هتكون إجابة السؤال.

طيّب دلوقتي الراجل معاه تمنمية جنيه، وخدنا منهم سبعمية جنيه. فلمّا نييجي نطرح، الآحاد فيها صفر هنا، وفيها صفر هنا؛ يبقى ننزّل الصفر. والعشرات فيها صفر هنا، وصفر هنا؛ يبقى ننزّل الصفر. المئات فيها هنا تمنية، وهنا سبعة. تمنية ناقص سبعة يساوي واحد. علشان إحنا لمّا نعدّ بعد السبعة واحد، نوصل للتمنية. فمعنى كده إن التمنمية ناقص سبعمية بيساوي مية. يبقى اتبقّى مع الراجل مية جنيه. وهي دي الإجابة الصح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.