تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد ميل نقطتين مُعطاتَيْنِ

أحمد مدحت

ما ميل المستقيم المار بالنقطتين (٢، ٣/٢)، (٦، ٢)؟

٠١:٣٢

‏نسخة الفيديو النصية

عندنا في المثال عايزين نوجد ميل المستقيم المارّ بالنقطتين اتنين واتنين على تلاتة، وستة واتنين. علشان نوجد ميل المستقيم هنستخدم صيغة ميل المستقيم المارّ بنقطتين. وصيغة الميل اللي هنرمز له بالرمز م للخط المستقيم المارّ بالنقطتين س واحد وَ ص واحد، وَ س اتنين وَ ص اتنين؛ هي: الميل م يساوي ص اتنين ناقص ص واحد، على س اتنين ناقص س واحد.

وإحنا عايزين نوجد ميل المستقيم المارّ بالنقطتين اتنين واتنين على تلاتة، وستة واتنين. فهنفرض إن النقطة اتنين واتنين على تلاتة هي النقطة س واحد وَ ص واحد. وهنفرض إن النقطة ستة واتنين هي النقطة س اتنين وَ ص اتنين. فهنعوّض في صيغة الميل عن س واحد باتنين وعن ص واحد باتنين على تلاتة، وعن س اتنين بستة وعن ص اتنين باتنين.

بكده هيبقى ميل المستقيم م يساوي اتنين ناقص اتنين على تلاتة، على ستة ناقص اتنين. واتنين ناقص اتنين على تلاتة يساوي أربعة على تلاتة. وستة ناقص اتنين يساوي أربعة. معنى كده إن م تساوي أربعة على تلاتة، على أربعة. وأربعة على تلاتة، على أربعة؛ يساوي واحد على تلاتة. يعني م تساوي واحد على تلاتة.

معنى كده إن ميل المستقيم المار بالنقطتين اتنين واتنين على تلاتة، وستة واتنين؛ هو واحد على تلاتة.