فيديو: مقارنة الأعداد المكوَّنة من ٣ أرقام باستخدام خطوط الأعداد

قارن بين العددين الآتيين: ٨٤٣ _ ٨٣٦. ما العلامة التي يجب وضعها بينهما؟ تلميح: استخدم خط الأعداد لمساعدتك.

٠٢:٤٤

‏نسخة الفيديو النصية

قارن بين العددين الآتيين: تمنمية تلاتة وأربعين، وتمنمية ستة وتلاتين. ما العلامة التي يجب وضعها بينهما؟ تلميح: استخدم خط الأعداد لمساعدتك.

عاوزين نقارن ما بين تمنمية تلاتة وأربعين، وتمنمية ستة وتلاتين، ونشوف مين الكبير. فنعرف إيه العلامة اللي هنكمّل بيها السؤال بتاعنا؛ أكبر من، ولا أصغر من، ولا تساوي. وعلشان نعرف نحلّ السؤال ده، محتاجين نستخدم خط الأعداد اللي قدّامنا ده.

طيّب إحنا بنقارن ما بين تمنمية تلاتة وأربعين، وتمنمية ستة وتلاتين. هنحطّهم على خط الأعداد. وإحنا عندنا خط الأعداد فيه من تمنمية وعشرين لتمنمية وخمسين، ماشي في الاتجاه ده، وبيزيد. معنى كده إن إيه؟ إن الأعداد الصغيرة هي اللي موجودة هنا، والأعداد الكبيرة هي اللي موجودة هنا. فهنحطّ العددين بتوعنا تمنمية تلاتة وأربعين، وتمنمية ستة وتلاتين.

نبدأ بتمنمية تلاتة وأربعين. عدد تمنمية تلاتة وأربعين أكبر من التمنمية وأربعين، وأقل من التمنمية وخمسين. يعني تقريبًا هيبقى موجود هنا كده، تمنمية تلاتة وأربعين؛ لأنه بعد الأربعين بتلاتة، ولسه ما وصلش للخمسين. طيّب وتمنمية ستة وتلاتين؟ تمنمية ستة وتلاتين موجودة ما بين التمنمية وتلاتين، والتمنمية وأربعين. تقريبًا هنا كده، تمنمية ستة وتلاتين؛ لأنها بعد التلاتين، لأنها ستة وتلاتين، ولسه ما وصلتش للإيه؟ للأربعين.

طيّب كده إحنا حطّينا العددين على خط الأعداد. آدي التمنمية ستة وتلاتين، وآدي التمنمية تلاتة وأربعين. مش إحنا اتفقنا إن الناحية دي هي الأعداد الكبيرة، والناحية دي أعداد صغيرة؟ معنى كده إن العدد ده موجود في الناحية الصغيرة، والعدد ده موجود في الناحية الكبيرة. يبقى مين الكبير؟ هو ده، تمنمية تلاتة وأربعين. وده معناه إن العلامة هتكون باصّة على التمنمية تلاتة وأربعين. فهتبقى الإجابة هي أكبر من. وتبقى هي دي الإجابة الصح؛ علامة أكبر من.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.