تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: تحويل الكسور غير الفعلية إلى أعداد كسرية

غادة عليوة

حوِّل الكسر ١٠/٥٣ إلى صورة عدد صحيح وكسر.

٠١:١٥

‏نسخة الفيديو النصية

حوّل الكسر تلاتة وخمسين على عشرة إلى صورة عدد صحيح وكسر.

عشان نقدر نحوّل الكسر اللي عندنا ده اللي هو كسر غير فعلي … لمّا بيبقى البسط أكبر من المقام ده بنسميه كسر غير فعلي، عشان نقدر نحوّله لعدد كسري يعني جزء صحيح وجزء كسري، بنجري عملية قسمة مطوّلة بالشكل ده، وبعدين بناخد ناتج القسمة بيبقى هو ده الجزء الصحيح من العدد الكسري، وباقي القسمة بيبقى هو ده بسط الجزء الكسري، أما مقام الجزء الكسري فبيبقى المقسوم عليه.

هنبدأ نجري عملية القسمة، عايزين نقسم تلاتة وخمسين عَ العشرة، هنلاقي إن أقرب عدد لو ضربناه في عشرة يدينا تلاتة وخمسين هو خمسة، خمسة في عشرة بخمسين، بعد كده هنطرح تلاتة وخمسين ناقص خمسين يبقى ناتج الطرح تلاتة. كده ناتج القسمة اللي هو خمسة ده هيبقى الجزء الصحيح في العدد الكسري اللي في الناتج، أما باقي القسمة اللي هو تلاتة ده هيبقى البسط بتاع الجزء الكسري، أما بقى المقام بتاعه فبيبقى المقسوم عليه اللي هو عشرة؛ فهتبقى هي دي الإجابة خمسة وتلاتة على عشرة.