فيديو: إيجاد مساحة سطح منشور مثلثي قائم

أوجد مساحة سطح ذلك الشكل. ملحوظة: يمكنك رسم شبكة الشكل لمساعدتك.

٠١:٤٠

‏نسخة الفيديو النصية

أوجد مساحة سطح ذلك الشكل. ملحوظة: يمكنك رسم شبكة الشكل لمساعدتك.

لو بصّينا على الشكل اللي قدامنا، هنلاقي إن مساحته بتتكوّن من مساحة مثلثين. القاعدتين بتوعه على شكل مثلث. وبعد كده عندنا تلات مستطيلات: المستطيل الأول طوله خمستاشر وعرضه عشرة. والمستطيل التاني في الأسفل طوله خمستاشر وعرضه تمنية. والمستطيل التالت طوله خمستاشر وعرضه ستة. يبقى مساحة الشكل هتساوي مساحة المثلثين زائد مساحة المستطيلات التلاتة. يبقى الشكل ده هو عبارة عن مثلثين قاعدة كل واحد فيهم تمنية وارتفاعه ستة. وعبارة عن تلات مستطيلات، المستطيلات دي طولها خمستاشر، وعرضها عشرة وتمنية وستة.

مساحة المثلث الواحد بتساوي نصف في القاعدة في الارتفاع. يبقى مساحة المثلثين اتنين في نصف في القاعدة في الارتفاع. القاعدة ستة والارتفاع العمودي عليها تمنية. وده هيساوي تمنية وأربعين. مساحة المستطيل بتساوي الطول مضروب في العرض. يبقى مجموع مساحة المستطيلات التلاتة هيساوي طول كل واحد مضروب في عرض كل واحد. خمستاشر في عشرة، زائد خمستاشر في تمنية، زائد خمستاشر في ستة. يبقى مساحة المستطيلات هتساوي تلتمية وستين.

مساحة الشكل هتساوي مجموع مساحة المثلثين زائد مساحة المستطيلات: تمنية وأربعين زائد تلتمية وستين. وهتبقى مساحة الشكل بتساوي ربعمية وتمنية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.