فيديو: تقريب عدد عشري لأقرب عدد صحيح

متوسط ارتفاع جمل عربي ١٫٩٥ م. قرِّب هذا الارتفاع لأقرب متر.

٠٣:٢١

‏نسخة الفيديو النصية

متوسط ارتفاع جمل عربي واحد خمسة وتسعين من مية متر. قرِّب هذا الارتفاع لأقرب متر.

السؤال بيقول لنا إيه؟ إن ارتفاع أيّ جمل عربي متوسطه واحد وخمسة وتسعين من مية متر. عاوزين نقرّب الارتفاع اللي قدامنا ده لأقرب متر. يعني إيه لأقرب متر؟ لأقرب متر يعني لأقرب عدد صحيح.

طيب تعالوا كده نبصّ على العدد اللي قدامنا. العدد اللي قدامنا فيه الجزء ده جزء صحيح، والجزء ده جزء عشري. وإحنا عاوزين نقرّب لأقرب متر؛ يعني نقرّب لأقرب جزء صحيح، أو لأقرب عدد صحيح. فمعنى كده إن الواحد هو اللي هنقرّبه. طيب علشان نبدأ نقرّبه؛ نبصّ على الرقم اللي موجود على يمينه. إيه اللي موجود على يمينه؟ التسعة. ونبدأ نسأل نفسنا: هي التسعة أكبر من الخمسة ولّا أقل من الخمسة؟ أكبر من الخمسة. بما إن التسعة أكبر من الخمسة، يبقى هتدّي الـواحد واحد. لمّا التسعة تدّي الواحد واحد عليه، تخلّيه كام؟ تخلّيه اتنين. طيب وبعدين عندنا إيه تاني؟ العلامة دي تنزل، والتسعة تبقى صفر، والخمسة تبقى صفر.

دي كده خطوات التقريب؛ بصّينا على التسعة، لقيناها هتدّي الواحد واحد فخلّته اتنين. بعدين هنشيل التسعة ونحطّ مكانها صفر، ونشيل الخمسة ونحطّ مكانها صفر. يبقى هو ده ناتج التقريب: اتنين وجنبها صفرين على اليمين بعد العلامة العشرية. وناخد بالنا جدًّا من كلمة بعد العلامة العشرية. ده معناه إن الصفرين دول مالهمش قيمة أو مالهمش لازمة. فده معناه إن ناتج التقريب بتاعنا هيكون إيه؟ اتنين متر. وتبقى إجابة السؤال بتاعنا: اتنين متر. أو ممكن نكتبها اتنين وجنبها حرف الـ م كأنه برضو إيه؟ متر. اختصار لكلمة متر.

طيب تعالوا كده نرجع تاني. إحنا كده خلاص عرفنا الإجابة اتنين متر. نرجع تاني لحتة الصفرين اللي موجودين على اليمين بعد العلامة. أنا ليه قلت: لازم يكون فيه علامة؟ علشان لو هي اتنين وجنبها صفرين كده من غير علامة، يبقى دي ميتين. لكن لو هي اتنين، بعدين علامة، بعدين صفرين، كده كأنها اتنين. يبقى العلامة هنا لغت الأصفار اللي حواليها، وشطبناهم كلهم، وبقت دي اتنين بس. لكن هنا ما فيش علامة، فبقى كل صفر ليه قيمة؛ فخلوا الاتنين تبقى ميتين.

يبقى كده إحنا جاوبنا السؤال بتاعنا، وقرّبنا واحد وخمسة وتسعين من مية متر لأقرب متر، فخلّيناها اتنين متر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.