فيديو: إيجاد مجموعة حل معادلات تكعيبية في مجموعة الأعداد الحقيقية

أوجد مجموعة حل المعادلة ٣١ − ٦س^٣ = −٢٢٢س^٣ − ٦٩٨ في ﺡ.

٠١:٤٨

‏نسخة الفيديو النصية

أوجد مجموعة حل المعادلة واحد وتلاتين ناقص ستة س تكعيب بيساوي سالب ميتين اتنين وعشرين س تكعيب ناقص ستمية تمنية وتسعين. في ح.

عايزين نحل المعادلة واحد وتلاتين ناقص ستة س تكعيب بيساوي سالب ميتين اتنين وعشرين س تكعيب ناقص ستمية تمنية وتسعين، في مجموعة الأعداد الحقيقية ح. هنضيف ميتين اتنين وعشرين س تكعيب زائد ستمية تمنية وتسعين للطرفين. وهيبقى شكل المعادلة واحد وتلاتين ناقص ستة س تكعيب زائد ميتين اتنين وعشرين س تكعيب زائد ستمية تمنية وتسعين بيساوي صفر.

هنجمع الحدود المتشابهة سالب ستة س تكعيب زائد ميتين اتنين وعشرين س تكعيب. وده هيساوي ميتين وستاشر س تكعيب. ونجمع بعد كده واحد وتلاتين زائد ستمية تمنية وتسعين، واللي هتساوي سبعمية تسعة وعشرين. وهيبقى ميتين وستاشر س تكعيب زائد سبعمية تسعة وعشرين بيساوي صفر. هنضيف سالب سبعمية تسعة وعشرين للطرفين، هيبقى ميتين وستاشر س تكعيب بيساوي سالب سبعمية تسعة وعشرين. هنقسم الطرفين على ميتين وستاشر، هيبقى س تكعيب بتساوي سالب سبعمية تسعة وعشرين على ميتين وستاشر. هناخد الجذر التكعيبي للطرفين. هتبقى س بتساوي الجذر التالت لسالب سبعمية تسعة وعشرين على ميتين وستاشر. الجذر التالت لأي قيمة سالبة بيساوي قيمة سالبة. وهتبقى س بتساوي سالب الجذر التالت لسبعمية تسعة وعشرين، على الجذر التالت لميتين وستاشر. يعني سالب تسعة على ستة. هنقسم البسط والمقام على تلاتة للتبسيط. تسعة على تلاتة بيساوي تلاتة، وستة على تلاتة بيساوي اتنين. وهتبقى مجموعة حل المعادلة في ح هي مجموعة سالب تلاتة على اتنين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.