تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: معرفة المتتابعات الهندسية والحسابية

أحمد لطفي

ما نوع المتتابعة التالية: ١، ٠٫١، ٠٫٠١، ٠٫٠٠١، _؟

٠٢:٠٦

‏نسخة الفيديو النصية

ما نوع المتتابعة التالية: واحد، وواحد من عشرة، وواحد من مية، وواحد من ألف، ونقط.

عشان نحدد نوع المتتابعة، فهنوجد الفروق بين الحدود المتتالية؛ يعني الحد التاني ناقص الحد الأول، يعني واحد من عشرة ناقص واحد هيساوي سالب تسعة من عشرة؛ والحد التالت ناقص الحد التاني، يعني واحد من مية ناقص واحد من عشرة هيساوي سالب تسعة من مية؛ والحد الرابع ناقص الحد التالت، يعني واحد من ألف ناقص واحد من مية هيساوي سالب تسعة من ألف. وبالتالي هنلاحظ إن الفروق بين الحدود المتتالية هتكون غير متساوية؛ ويبقى نوع المتتابعة هيكون ليست حسابية.

تاني خطوة هنوجد قسمة الحدود المتتالية، وهنشوف إذا كان ناتج القسمة هيكون عدد ثابت ولا لأ؛ يعني الحد التاني على الحد الأول، يعني واحد من عشرة على واحد هيساوي واحد من عشرة؛ والحد التالت على الحد التاني، يعني واحد من مية على واحد من عشرة هيساوي واحد من عشرة؛ والحد الرابع على الحد التالت، يعني واحد من ألف على واحد من مية هيساوي واحد من عشرة. وبالتالي هنلاحظ إن ناتج قسمة الأعداد المتتالية هيكون عدد ثابت؛ وبالتالي لو عايزين نحدد نوع المتتابعة، فهتكون متتابعة هندسية.

ويبقى نوع المتتابعة هيكون … هيكون هندسية فقط. ويبقى كده قدرنا نحدد نوع المتتابعة، وكانت المتتابعة هندسية فقط.