فيديو: إيجاد مساحة مثلث متساوي الساقين إذا كان ارتفاعه وقاعدته عددين غير كسريين

أوجد مساحة المثلث ﺃﺏﺟ المتساوي الساقين، إذا كان ﺃﺏ = ﺃﺟ، القطعة المستقيمة ﺃد ⊥ القطعة المستقيمة ﺏﺟ، ﺏﺟ = (جذر (٣٧٢) + ٢) سم، ﺃد = (جذر (٩٣) − ١) سم.

٠٥:٥٢

‏نسخة الفيديو النصية

أوجد مساحة المثلث أ ب ﺟ المتساوي الساقين، إذا كان أ ب يساوي أ ﺟ. والقطعة المستقيمة أ د عمودية على القطعة المستقيمة ب ﺟ، وَ ب ﺟ يساوي جذر تلتمية اتنين وسبعين زائد اتنين سنتيمتر، وَ أ د يساوي جذر تلاتة وتسعين ناقص واحد سنتيمتر.

أول حاجة هنكتب قانون حساب مساحة المثلث؛ بنلاقي إن قانون مساحة المثلث يساوي نُصّ طول القاعدة في الارتفاع، بنلاقي عندنا في الشكل التالي المثلث أ ب ﺟ، بنلاحظ إن قاعدته هي الضلع ب ﺟ، وبنلاحظ إن ارتفاعه هو عبارة عن القطعة المستقيمة أ د.

بنبدأ نعوّض عن طول القاعدة والارتفاع في القانون؛ بالتعويض في القانون بنلاقي إن المساحة هتساوي نُصّ في طول القاعدة؛ ب ﺟ عندنا، يبقى جذر تلتمية اتنين وسبعين زائد اتنين، في الارتفاع، وهو عبارة عن جذر تلاتة وتسعين ناقص واحد.

بتبسيط الجذر التربيعي؛ جذر تلتمية اتنين وسبعين، فبنلاقي إن المساحة هتكون عبارة عن نُصّ في الجذر التربيعي لاتنين تربيع في تلاتة وتسعين زائد اتنين؛ لأن عندنا تلتمية اتنين وسبعين عبارة عن اتنين أُس اتنين، أو أربعة يعني، في تلاتة وتسعين، كل ده مضروب في الجذر التربيعي للتلاتة وتسعين ناقص الواحد.

بنكمّل بعد كده، وبنوزّع الجذر التربيعي على اتنين أُس اتنين وعلى تلاتة وتسعين؛ فبنلاقي إن المساحة هتصبح نُصّ في … جذر التربيعي لاتنين تربيع باتنين، في الجذر التربيعي للتلاتة وتسعين بعد توزيع الجذر، زائد اتنين، مضروبة في الجذر التربيعي للتلاتة وتسعين ناقص الواحد.

بنكمّل لحساب المساحة، وبنكتب نُصّ في … هنضرب القوسين اللي إحنا شايفينهم دول في بعض، فبنبدأ أول حاجة بضرب الحد الأول من القوس الأول في الحد الأول من القوس الثاني، وبنلاقي إن الناتج هيكون عبارة عن اتنين في جذر تلاتة وتسعين في جذر تلاتة وتسعين. بعد كده بنضرب الحد الثاني من القوس الأول في الحد الثاني من القوس الثاني؛ وبنلاقي إن الناتج هيكون عبارة عن زائد اتنين في سالب واحد.

بعد كده هنضرب الحدّين القريبين في بعض، وبنلاقي إن الناتج هيكون عبارة عن زائد اتنين في جذر تلاتة وتسعين. ثم هنضرب الحدين البُعاد في بعض، زي ما إحنا شايفين كده، فهنلاقي إن الناتج هيكون عبارة عن زائد اتنين في جذر تلاتة وتسعين في سالب واحد.

هنكمّل بعد كده وبالتبسيط؛ بنلاقي إن المساحة هتساوى نُصّ في اتنين في … جذر تلاتة وتسعين في جذر تلاتة وتسعين، جذر تلاتة وتسعين في جذر تلاتة وتسعين بتلاتة وتسعين؛ زائد اتنين في جذر تلاتة وتسعين زائد اتنين في جذر تلاتة وتسعين في سالب واحد؛ يبقى الناتج ناقص اتنين في جذر تلاتة وتسعين زائد اتنين في سالب واحد؛ اتنين في سالب واحد يبقى ناقص اتنين. بنلاقي بعد كده إن اتنين في جذر تلاتة وتسعين ناقص اتنين في جذر تلاتة وتسعين بيكون الناتج صفر، والناتج هيكون عبارة عن نُصّ في اتنين في تلاتة وتسعين ناقص اتنين.

بعد كده هنوزع النُصّ على الطرح، وبنلاقي إن المساحة هتكون عبارة عن نُصّ في اتنين في تلاتة وتسعين ناقص نُصّ في اتنين. بعد كده بنختصر اتنين على الاتنين؛ الناتج بواحد، اتنين على الاتنين بيكون الناتج بواحد؛ يبقى المساحة هتساوي تلاتة وتسعين ناقص الواحد.

وبنكتب مساحة المثلث أ ب ﺟ هتساوي تلاتة وتسعين ناقص الواحد باتنين وتسعين سنتيمتر مربع.

وبكده يبقى قدرنا نحسب مساحة المثلث أ ب ﺟ متساوي الساقين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.