فيديو: إيجاد وتحديد الأعداد النسبية على مخطط لخط الأعداد أفقي أو رأسي

أيٌّ من الأعداد ﻫ، و، ز، ﻯ يساوي ٠٫٦؟

٠٢:٢١

‏نسخة الفيديو النصية

أي من هذه الأعداد ﻫ‎ و ز ي يساوي ستة من عشرة؟

عندنا خط الأعداد ده. وعليه شويه أعداد، فيهم ﻫ‎ وَ و وَ ز وَ ي. وعاوزين نعرف أي عدد فيهم هو اللي بيساوي ستة من عشرة. فهنشوف عدد عدد. لو جينا بصينا على الأعداد اللي موجودة عندنا، هنلاقي الصفر، والواحد، والاتنين، والسالب واحد، والسالب اتنين. وكل ما بنمشي ناحية اليمين الأعداد بتكبر أو بتزيد. وكل ما بنمشي ناحية اليسار أو الشمال الأعداد بتقل وبندخل في السالب.

فلو جينا نعدّ بعد الصفر هنا. اتنين من عشرة، أربعة من عشرة، ستة من عشرة، تمنية من عشرة، واحد. بعد الواحد واحد واتنين من عشرة، واحد وأربعة من عشرة، واحد وستة من عشرة، واحد وتمنية من عشرة، واتنين.

يبقى إحنا كده كل مرة بنزود اتنين من عشرة. طب لو مشينا الناحية التانية ناحية الشمال؟ هنقلل اتنين من عشرة. فهتكون هنا سالب اتنين من عشرة، سالب أربعة من عشرة، سالب ستة من عشرة، سالب تمنية من عشرة، سالب واحد. بعديها سالب واحد واتنين من عشرة، سالب واحد وأربعة من عشرة، سالب واحد وستة من عشرة، سالب واحد وتمنية من عشرة، سالب اتنين. وطبعًا في النص الصفر.

طيب تعالوا بقى كده نشوف حرف حرف. أول حرف عندنا اللي هو الـ ﻫ‎ بسالب واحد واتنين من عشرة. إحنا عاوزين بستة من عشرة، يبقى مش هو الإجابة الصح. طب الـ و بسالب ستة من عشرة، مش موجب ستة من عشرة، يبقى برضو مش هو الإجابة الصح. طب الـ ي بواحد واتنين من عشرة، برضو مش هي الإجابة الصح. طب الـ ز بستة من عشرة. كده إحنا عرفنا إيه هو العدد اللي بيمثّل الستة من عشرة؟ هو الـ ز. هتبقى الإجابة الصح واللي إحنا المفروض نختارها ز.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.