فيديو: إيجاد عدد مُعين بمعلومية ناتج جمعه مع عدد آخر

أوجد العدد الذي إذا أُضيف إلى ٢٠ كان الناتج ٩٠.

٠١:٥٣

‏نسخة الفيديو النصية

أوجد العدد الذي إذا أُضيف إلى عشرين، كان الناتج تسعين.

عاوزين نعرف إيه هو العدد، نكتبه هنا كده في المربع ده، اللي لو أضفناه للعشرين. هيبقى ناتج الجمع أو الإضافة دي هو تسعين. إيه هو العدد ده؟ إحنا عندنا هنا دي عشرين. عشرين يعني عشرتين؛ عشرة، وكمان عشرة. ده كده تمثيل العدد عشرين. عاوزين نخلّي العشرين دي تبقى تسعين. يعني نقعد نزوّد عليها، بدل ما هي عشرتين يبقوا تسع عشرات. فهنزوّد كام؟

هنعدّ بعد الاتنين لحد ما نوصل للتسعة. بعد الاتنين: تلاتة، أربعة، خمسة، ستة، سبعة، تمنية، تسعة. وصلنا للتسعة، العشرين بقت تسعين. ضِفنا لها كام؟ تعالوا نعدّهم. واحد، اتنين، تلاتة، أربعة، خمسة، ستة، سبعة. سبع عشرات يعني سبعين. فده معناه إننا ضِفنا سبعين للعشرين؛ علشان هم الاتنين مع بعض يكون مجموعهم بيساوي تسعين. يبقى مكان المربع ده، بنكتب سبعين. هو ده العدد اللي لو ضِفناه للعشرين، يبقى الناتج تسعين. فتبقى الإجابة الصح، هي: سبعين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.