تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد قيمة المقادير الجبرية التي تتضمَّن قسمة الأعداد الكسرية

معاذ صالح

أوجد ﺱ ÷ ﺹ إذا كانت ﺱ = ٧/٦ ٣، ﺹ = ٧/٥ ٦.

٠٢:٢٦

‏نسخة الفيديو النصية

أوجد س على ص إذا كانت س تساوي ثلاثة وستة على سبعة، و ص تساوي ستة وخمسة على سبعة.

أول حاجة نعوض في العملية عن س و ص بقيمتهم ف س هتساوي تلاتة وستة على سبعة، على، ص هتساوي ستة وخمسة على سبعة، وعشان نقدر نقسم العددين الكسريين هنحولهم إلى كسريين غير فعليين، فنبدأ بس اللي بتساوي تلاتة وستة على سبعة، فعشان نكتب العدد الكسري ده على صورة كسر غير فعلي، هنضرب العدد الصحيح في المقام، بعدين نجمع حاصل ضربهم مع البسط؛ فده هيساوي تلاتة في سبعة بيساوي واحد وعشرين، نجمعه على البسط، يبقى زائد ستة على نفس المقام اللي هو سبعة، ده هيساوي واحد وعشرين زائد ستة، هيساوي سبعة وعشرين على سبعة، فنكتب سبعة وعشرين على سبعة، على، نحول الـ ص بنفس الطريقة بتساوي ستة وخمسة على سبعة، ده هيساوي نضرب ستة في سبعة، هيساوي اتنين وأربعين، بعدين نجمعها مع البسط اللي هو خمسة، يبقى اتنين وأربعين زائد خمسة على سبعة، ده هيساوي، اتنين وأربعين زائد خمسة هيساوي سبعة وأربعين على سبعة، فهنكتب سبعة وأربعين على سبعة، ده هيساوي، هنحول عملية القسمة لعملية ضرب، ونقلب الكسر اللي بعد عملية القسمة، يعني هتساوي سبعة وعشرين على سبعة، في سبعة على سبعة وأربعين، ده هيساوي سبعة وعشرين في سبعة، على سبعة في سبعة وأربعين، وباستخدام التبسيط ممكن نختصر السبعة والسبعة في البسط والمقام، يبقى س على ص هيساوي سبعة وعشرين على سبعة وأربعين.